رد: متوسط اسعار المستعمل هذا الاسبوع
السلام عليكم
أولا :
مجهود اكثر من رائع يا دكتور تامر ما شاء الله عليك بتفيد ناس كتير من اول الموضوع لغايه اخره وما شاء الله على ردودك كلها قيمة
ثانيا :
ياريت وحضرتك بتحط سعر العربيات تحط امكانات بسيطة عنها زي السعة - استهلاك البنزين - قطع الغيار - الصيانة وده علشان مش تلاقي الرد التاني لنفس الشخص بيسأل عن الكلام ده
ثالثا :
اقتراح ممكن تعمله ويوفر عليك كتير جدااااااااااااااااااااااا اااا انك تعمل ملف وورد عبارة عن جدول فيه كل فئة وموديلها وامانات سعرها في حدود من كذا لكذا على حسب الامكانيات والحالة وتحطه كل اسبوع او كل ما يتغير السعر وبالتالي اللي حيحصل ان الأسئلة هتقل كتير كل واحد هيدخل يقرأ الملف الجديد ويعرف حدوده ايه وامكانياته بالتقريب ويبقى السؤال هو حدود السعر بالضبط ايه او حد قدامه عريبة وحالتها كذا وسعرها المناسب ايه زي مثلا لما حد سألك على هوندا موديل الثمانينات وانت قلتله على سعرها ورجع قالك مرفوعة 11 سنة ورديت عليه انها كده بتعامل معاملة خاصة لموديل اعلى منها وحالتها جديه جدا ومشي مسافات اقل
رابعا : سؤالي انا الخاص
ايه رأيك لو جيبت بيجو504 ماتورها تعبان وشديتها شده نضيفة وسقط عليها ماتور 604 والمطلوب معرفة سعر البيجو ماتورها تعبان يساوي كام وماتور 604 يساوي كام مع العلم اني بحب جدا اقف على ايد الصنايعيه واعمل الحاجة كمان بنفسي واحب الفكر والتركيب كتير واحب افهم وادرس الحاجة كويس ، واصلا فكرة ان الشد واعادة التأهيل تاني في العربيات القديمة مش هتفرق كتير لان موديلها قدم وكده كده سعرها نازل انا مش بتكلم في فوكس والا باسات لو روحت رشيتها والا عملت فيها حاجة هينزل تمنها 20 الف والا حاجة انا بتكلم في عربية يوم ما هينزل تمنها علشان رشة دواخل او مشدودة مش اكتر من الفين او تلاته وبقول مشدودة ومرشوشة مش مقلوبة وملحومة
ولو الفكرة مرفوضة يبقى عربية بيجو 504 حالتها نضيفة تساوي كام ولو حبيت اركبها باور وتكييف يعمل كام
وايهما افضل بيجو 504 والا مازدا 323 او 121 والا تويوتا كرولا 1980
انا عارف انك بتحب الياباني وبترشحة لكن اعتقد كمان انك بتقدر الاسد الفرنسي وعارف اماكاناته
|