[حازم شاهين]

فيرارى موجودة

و عندها سائقين جيدين جدا ألونسو بطل العالم مرتين و ماسا

لكن سيارات ريد بول السنة دى محدش عارف يضاهيها
علشان عندهم مهندس محترم بقالة سنتين بيشتغل على العربية
إسمة أدريان نيوى قدروا السنة دى يعملو إبتكار جديد فى العربية
بتاعتهم خلاهم يتفوقوا فى النصف اﻷول من الموسم و اﻹبتكار كان عبارة عن
إستخدام العادم فى زيادة ثبات السيارة عن طريق توجيهه لأجزاء إيروديناميكية فى مؤخرة السيارة
و لولا شوية أخطاء هبله و سوء حظ لازمهم فى كل السباقات كان زمانهم متصدرين السائقين و الصانعين

مايكل شوماخر معاه عربية درجة تانية السنة دى يعنى مش من سيارات الصف اﻷول لكن برضه يبدوا إنه مش قادر يتكيف مع السيارة و فى نفس الوقت واضح إنه فقد بعض من قدراته

أخيرا أيوة مرسيدس مساركة بفريقين السنة دىو السبب
إن مرسيدس رسميا كانت شريك مكلارين
لكن السنة إللى فاتت روس براون مالك فريق براون جى يى قدر إنه يقنع مرسيدس بتزويده بمحركات بدل هوندا و قدر إنه يكسب بطولة العالم للسائقين و الصانعين فى أول موسم يشارك فيه
و الموضوع ده جرى ريق مرسيدس و شجعها إنها تعمل لها فريق خاص بيها على غرار فيرارى فإشترت فريق براون الفائز بالبطولة و خلته فريق ألمانى 100 % لكن تأتى الرياح بما لا تشتهى السفن و العربية طلعت ضعيفة بالمقارنة بسيارات ريد بول و مكلارين و فيرارى