19-07-2010, 12:51 AM
|
 |
من انا؟: مصري مسلم
التخصص العملى: مهندس سلامة مهنية بشركة بترول
هواياتي: لا يوجد حاليا
|
|
تاريخ التسجيل: Jan 2009
الموقع: الأسكندرية
المشاركات: 1,699
|
|
إوعى حد يخش الموضوع دة علشان صاحبه زهقان
السلام عليكم و رحمة الله
ازيكم يا شباب
أنا اضطريت أكتب العنوان الغريب دة علشان ألفت نظر الأعضاء النشطين في المنتدى اللى باعتبره حاليا أسرتي الثانية
مش عارف , عندي شعور قوي بالزهق من الكتابة و الاهتمام بمواضيع السيارات مش عارف سببه إيه , و هو طبعا مش عيب في المنتدى لا سمح الله و لكن ربما يكون عندي شوية تشتت في الذهن و لخبطة من كتر القراءة و عدم وضوح الرؤية في سوق السيارات بصفة عامة و تضارب الاراء و تزاحمها, و و و و دماغي وجعتني
معلش أنا طبعا مش جاي أشيلكو همومي و لكن ....
كالعادة هي مجرد خواطر و أفكار
بس أنا حاسس إني احترت جدا في المقارنة بين السيارات و الموضوع سابق لأوانه لأن قدامي إن شاء الله مش أقل من 9 شهور و أغير عربيتي و طبعا السوق كل يوم بيتغير
حاسس إني باضيع وقتي و الموضوع شاغلني بصورة شبه مرضية
محتاج رأيكم في الموضوع دة لأني باعتبركم أسرتي الثانية زي ما قلت
خصوصا إن شهر رمضان على ألأبواب
حد استعدله؟ ( طبعا مش بالمأكولات و المشروبات و مسسلسلات التلفزيون )
نفسي كلنا نستعد صح للطاعة في رمضان و أنا أولكم أسأل الله أن يزرقنا الهمة على طاعته و العزيمة على الاخلاص في هذا الشهر الكريم
بالمناسبة ....
أنا قرأت مقالة في موقع مصراوي بتقول إن فيه تخفيض على موديلات شركة ألمانية عريقة يصل إلى 40000 جنيه
ياترى الكلام دة صحيح واللا لأ؟
شفتوا بقى التشتت لسة بتكلم إن دماغي وجعتني من العربيات و بعدين برضه بسأل
سؤال عنها
الظاهر إنه بقى إدمان  ( بس مش مخدرات لا سمح الله )
أسألكم الدعاء بالتوفيق و ابداء الرأي والنصح
و مشكورين جميعا
__________________
![[IMG]file:///C:/DOCUME%7E1/ragy/LOCALS%7E1/Temp/moz-screenshot-4.png[/IMG]](image.php?u=5722&type=sigpic&dateline=1317473683)
|