رد: ولهذا لم تدخل السيارات الصينى "أوروبا"
الى الاستاذ صاحب الموضوع والاعضاء المحترمين ...
اولا عمر ماكان تقييم التصادم عن طريق حالة كرسى السواق...
ثانيا حالة الكابينة بتاعة السوزوكى مدمرة تماما ناحية الراكب الامامى...ودة غير امن بالمرة...
ثالثا نقول ان العربية جامدة لما يحصل التصادم و الكابينة ماتتأثرش نهائ بالحادث...يعنى البرابريز يادوب يشرخ مش يدمر ...بمعنى ان حدود الكابينة لا تتأثر نهائى...والتابلوة مايتحركش نهائى ولا سنتيمتر ناحية السواق....مش ان الكرسى سليم.
اختبارات التصادم الاوروبى دايما بتقوم عند سرعة 64 كم\س ....عارفين لية...لان الاوروبيين عاملين حسابهم انك ماشى على 120 كم\س ومصحصح للطريق وعامل كل احتياطاتك من حزام امان وفرامل كويسة وغيرة...ولما تفاجء بحاجة ادامك او فية مشكلة تضرب فرملة مفاجئة تقوم السرعة تنزل ل 64 كم\س وهى سرعة التصادم اللى تم اختبار العربية عليها
وهو دة السبب ان معظم العربيات الحديثة لما السرعة تعدى ال 120كم\س بتدى الارم لان فوق كدة وباعتراف الاوروبيين نفسهم ...السرعة غير امنة بالمرة حتى لو راكب جاجوار...لانك لو فرملت هايحصل التصادم فوق ال64 (على حسب انت ماشى على كام) وتكون الاضرار اكبر من لو حصل عند 64 كم\س...فتخيل لو انت ماشى على 200 وحصل التصادم عند 170 او 150 كم\س...
طبعا الاضرار رهيبة بس كرسى السواق هايكون سليم....ساعتها الصينى زى الاوروبى
على فكرة كل العربيات ف العالم بتخضع لنفس السرعة عند الاختبار...يعنى المرسيدس زى ال128 بتخضع لنفس الظروف...
مهما كان ماركة السيارة لو السرعة كلما كانت عالية كانت الاضرار اعلى
ربنا يحفظنا جميعا...واللى يمشى على مهلة وهو راكب صينى افضل وأأمن بكتير من مليون مرسيدس على سرعة عالية...
وسلامى للجميع...ومفيش داعى للتعصب ف الرد....لان مهما عملتوا بردو الاهلى نمرة واحد
|