طيب يا شباب ديه بداية مبشره جداً جداً ومن الواضح ان النقاش هيثمر لاتفاق كبير عكس ما كنت متوقع لكن فيه حاجة
اكتر الناس اهتمت بالشق الاول من السؤال وسابت الباقى
الشق الاول تعريف الثبات من وجهه نظرك اما الشق التانى فهو خاص بتحديد الجزئيه النسبيه اللى غالباً ما بنختلف عليها ديه
علشان كده طلبت ان كلنا نقول راينا فى عربيات فى السوق جربناها ايه اسوء عربيه وايه افضل عربيه فى نظرك من ناحية الثبات
لان زى ما قولت لو كان النقاش هدفه سرد حقائق بس كنا حطيناها من الاول وخلاص بس بجد عايزين نشوف اراء كل واحد فينا شايف ايه ينطبق على معايير الثبات المقبولة بالنسبالة وايه لاء
اتفتكر واحد صاحبنا من المنتدى قبل كده قال على عربيه مش ثابته خالص برضو انها ثابته جداً وبرهن على ده بانه بيقدر يسوقها على سرعات عالية بايد واحدة طبعاً كلام انا رافضه بس لما بصيت لدراعة اللى يفصل من دراعى اتنين او تلاته على اقل تقدير فهمت بجد معنى النسبيه وانه ممكن يكون ليه حق فى كلامة
علشان كده محتاجين علشان نكمل الاستطلاع ونكشف عن التباين الموجود فعلاً بينا فى تقدير الموضوع ده نقول ايه اللى شايفينه ثابت وايه غير كده
فى انتظار استكمال الردود يا دكاترة