رد: لنا الله .... ولا عزاء للمصريين
مش بس الجمارك
دي مقدور عليها
بعد الجمارك فيه ضريبة مبيعات علي قيمة السيارة + الجمارك + الشحن + تأمين الشحن من بلد المنشأ
.... لغاية كدة والموضوع لسة بسيط
الحكومة في السعودية او الامارات حكومة غنية ..... مش بيفرضو ضرائب علي التجار
انما عندنا لازم التاجر يحسب التكلفة اللي هو ح يتكلفها
الضرائب العامة على الدخل ( 20% من صافي الربح ... غير شوية فروق مش معلن عنها )
الضرائب العامة على المبيعات ( 10 % من القيمة المضافة )
التأمينات الاجتماعية ( 26% من المرتبات )
....
وغيرها كتير ....
اما بقى الغير رسمي
موظفين الحي لهم شهريات
بتوع القسم لهم رواتب ... امال مين يحمي التجار من بتوع القسم .... لازم ياخدو عشان ربنا يكفيك شرهم
بتوع الدفاع المدني
بتوع النظافة
بتوع التموين
بتوع الرقابة علي اي حاجة
بتوع مكتب العمل
....
وبعدين حاجة تاني
الكهرباء بيدفعها بسعر تجاري مبالغ فيه جدا
المياة ب اضعاف سعر المياه المنزلية
التليفونات زادت 50% بقدرة قادر بدل الدقيقة ب 2 قرش بقت ب 3 قروش
يعني من الآخر تكلفة التجارة في مصر أضعاف تكلفتها في السعودية ف طبعا التاجر لازم يحسب التكلفة دي ويضيفها علي سعر استيراد السيارة و بعدين يضيف نسبة الربح بتاعته
يا جماعة ده المطافئ لو طفت حريقة بياخدو فلوس ..... ولو ما دفعتش .... مين عارف ممكن يولعو فيها تاني .... وابقى طفيها انت بقى بكوز الميه
المنظومة كلها عاوزة الحرق بجاز من ابو 110 قرش .... ده حتي الجاز بقى غالي .... ابقو احرقوها بالغاز الطبيعي ..... بالسعر المدعم اللي اسرائيل بتاخده بيه
كفاية ولا نكمل
__________________
انا جسمي عليل ودواه النبي ........... وقلبي يميل لزيارة النبي
احمد ابراهيم
|