[HaMaDa-ToUBaR]

تسلم يا ذوق
هو طبعا الاتنين من العملاق جنرال موتورز يعنى البادى واحد واحد بالضبط مش هيبقى فى فرق فى اى حاجة بالنسبة لقطع الغيار الخارجية .. بس ما حضرتك عارف بردة الكروز الى بتنزل مصر عن طريق التوكيل مفيش منها ولا فتحة سقف ولا الجنوط 17 فالحاجتين دول مش هتعرف تجيبهم من التوكيل لو لقدر الله حصل حاجة بالنسبة للمكنة والعفشة فهمى بالكامل مكنة وعفشة اوبل استرا 2009 يعنى معظم قطع غيارها هتلاقاها موجودة فى التوكيل لو حبيت تشتريلها حاجة بردة ما عدا الفلتر اما بالنسبة للاوبشن الى فى العربية وشاشة العرض والدى فى دى والكلام دة فكل دة متوفر بس فين بقى هقولك ....... كل الحجات الى مش هتبقى متوفر فى التوكيل متوفر فى مكان واحد وهو بلال كار فى بورسعيد راجل محترم والى انت عاوزة للعربية هو هيجيبهولك هو بيسافر كوريا كل اربع شهور بالضبط فكل حاجتها عندة يعنى اخر حاجة انا كنت بدور ع الفلتر بتاعها وكدة ولما روحتلة كنت بجيب عربية تانىة فبحكيلة قالى مقولتليش وكدة وفى ظرف اسبوع جابلى كرتونة فلاتر والفلتر بتاعها ب 55 جنية وكان عندى الفريم النيكل بتاع الكشاف الى ورا انكسر جابهولى بردة وقالى اى مسمار فى العربية تحتاجة انا اجبهولك
بالنسبة لصيانة العربية موجودة فى الشركة الالمانية فى بورسعيد
بالنسبة للفئات والاسعار فانا معرفش فئاتها بس هى فئاتها زى الاوبل كدة يعنى cdx وهكذا
ودى اعلى حاجة فيها وسعرها انا جبت واحدة موديل 2009 كان سعرها 151 الف وجبت بعديها 2010 الوحيدة الى كانت موجودة ولونها اسود ميتلك واى عربية تانية اسود سادة بردة نفس المواصفات وكل حاجة كان سعرها 160 الف واخر سعر سمعتة فيها 165 الف وعموما انا مسافر بورسعيد قريب فهستفسرلك اكتر عن فئاتها واسعارها
وانت تأمر يا معالى الباشا