رد: لمبة الموتور فى التابلوه دائما مضاءة
فيه اسباب كتيره تخلي لمبة التشيك منورة علي طول و مش شرط يكون الموتور فيه حاجه دلوقت ممكن كانت مشكله و اتحلت بس الكمبيوتر بتاع العربية لسه ما اتمسحش منه الخطأ و ده هيحتاج الاول انك تركب الكمبيوتر علي جهاز قراءة الاعطال و تمسح الخطا و تشوف هيرجع تاني ولا و قبل ده كله راجع علي الفيش الموجوده بالموتور زي فيش الانجكشن و فيشه هواء المانيفولد و حساس الشكمان و فيشة حساس عامود الكامة بص راجع علي كل الفيش الموجوده في حوض العربية و اللي واصله للموتور هتلاقي فيشه سايبة او مش راكبة كويس في دايرة الهوا الخاص بالماتور و ممكن تكون العربية مظبوطة و تمام و فيه فيشه من دول مخلوعه بس هتقلل معاك من العزم او معدل التسارع او وقت التسخين الصبح هيزيد
و يارب اكون افدتك
|