[YusufWahdan]

المشاركة الأصلية كتبت بواسطة ahmedbek انا قريت الموضوع بصراحه بصراحه شايفك تتخانقوا على ايه والى يقولك عديت من السيفيك و يقولك فشخت الاكورولا ده كلام يتقال وعلى رأى ميرو بطلوا هجص على الناس شويه بقى يا جدعان انا كان قدامى سيراتو شوفتها فى التوكيل اولا عربيه سيئه سمعتها وحشه من كتر الحوادث الى بتعملها وانقلاب وفعلا انا شوفتت الفيديو بتاع الابيزا ده فعلا كلام كلوا هجص فى هجص على رأى ميرو ياعنى الابيزا كسبتها يبقى الكورولا و السيفيك مش هتكسبها و الفيديو اه http://www.youtube.com/watch?v=vm6oMIJhM60

قبل ما ارد ... للعلم
الابيزا ...
القوة الحصانية 75 حصان لعزم 126 لفة دوران .. التسارع من 0 إلي 100 في 15.6 ثانية السرعه القصوي 169كم ... ((( يا راجالة انا بتكلم كمان علي موديل 2008 )) وطبعا 1400 سي سي حسب ما انت جايبها في الفديو ...

وحتي ال 1600 برده النسب ضعيفة مش مصدق ادخل هنا وشوف علشان متقولش ده كلامي وانا منحاز .. موقع عالمي اهه يجبلك معلومات اي سيارة يا معلم
http://www.drivearabia.com/ultimatec...-2007-2008-/81

وادي رابط السيراتو http://www.drivearabia.com/ultimatec...2010-2011-/486

ومش هقول عنه حاجة ادخل واحكم بنفسك


بص يا رجالة انا مش هتكلم بقلة زوق زي ما ناس اتكلمت ولا هشتم واقول هجص وفشر ومعر والحوارات ديه ... بس انا قدامي حاجة من اتنين يا اما سواق السيراتو ملوش فيها ... يا اما السيراتو في مصر منزلنها بموتور بسكلته بقي ... وده مينفعش ان شركة تنزل عربية بجودة في بلد وجودة تانية في بلد علي حد علمي ...

اللي اعرفة ان مثلا الكورولا علشان متقولوش كل كلامي علي السيراتو ... تقفيلها في مصر مش ياباني يا معلمين ... جنوب افريقيا ... وهتلي حد بيفهم بقي ولا ليه فيها ويعارضني .... لأن ده كلام من الوكلاء نفسهم ... اما دول الخليج تقفيل ياباني صرف ...

في مصر الكورولا مثلا عفشتها اقوي كتير من الخليجي ... وساجها اخف بنسبة 2.٪ من الخليجي ... سمك الزجاج ومقاومتة للحرارة هو والدهان اكثر من مصر بنسبة 6٪ نظراً لعوامل الطقس هنا حرارة ورطوبة ومطر ... يعني برومة من اول ليلة

اما بقي ان عربية تنزل هنا موتورها اجود من موتور بلد تانية ... ((( مش هفتي ))) بس معتقدش

علشان كده راجعو بقي الفديو ده وشوفو متصور ازاي

المشاركة الأصلية كتبت بواسطة Toyota Corolla انا مش هاتكلم و هاسيبكو تشوفو الفيديو كورولا vs سيراتو http://www.youtube.com/watch?v=Z6nIM...eature=related

يا راجل هتلي حد عاقل يصدق ان الاتنين طالعين مع بعض .. اصلا الفديو بادئ والعداد علي 40 او اكتر ... وشوف الكورولا اندفاعها جاي ازاي .... ما يللي بيتكلم عاقل يا اللي بيتفرج مجنون

المشاركة الأصلية كتبت بواسطة miroseba يا سلام الرجاله قاموا بأحالى واجب وشكرا ليك يا احمد وشكرا ليك يا Toyota Corolla هى ديه الفيديوهات ولا بلاش المشكله برده ان الواحد معاه اثباتات ان العربيه مش زى السيفيك والكورولا والفيات وعربيات كتير وبرده مفيش لا حياه لمن تنادى وعلى فكره هيخشوا دلوقتى يتخنقوا معانا احنا التلاته طبعا احنا بندى رشوه للسايق السيراتو عشان الكورولا تكسبه اصل احنا بنحقد عليهم ههههههههههههههههههه وانشاء الله هجيب فيديو اللينيا بتخيط السيراتو

ياعم تخيطها هيه كانت من بقيت اهلي ....

هيه بقي سيارة وحشة عندكم مش عجباكم متغاظين منها ... سواقينها حمير الله اعلم ... انا مليش فيه ... وربنا يخليلك سيارتك .... وتجبلها بكرة خيط كبيرة علشان تخيط اللي انت عايزة


انا ليا هنا اني لما بمشي علي طريقي كل يوم الحمد والفضل لله ... اللي عايز اعملة بعملة ... وخليك في الفيات والسيات ... انت لو جيت هنا هتلاقي عربيات اصلا انت مشوفتهاش قبل كده

اقولك ... ابقي حط للسيات ولا الفيات نيتروس .. ونزلها ديفل .. واعملها دعامات موتور علشان متتفكش بس لما تضرب بقي النيترو وكده ... واطلع بيها علي توكيو واعمل ريس في فاست اند فريوس

المشاركة الأصلية كتبت بواسطة miroseba وكمان يقولك اكسيل عايشه لحد دلوقتى يا عم ده مفيش واحد ركبها غير لما سب الى صنعها و خلاه يشتريها ديه عربيه مفوته ملحوظه ولو انت بتقول كده تاريخ كيا المشرف كانت بتصنع عجل وسكوتر اكتر من كده ايه بس بصراحه فيه تطور رهيب فى الصناعات الكوريه للسكوترات ايه الى يخلى الانوس طول ماهى ماشيه تكركر وبتسمع نقله الفتيس ايه الى يخلى الفيرنا يبقى فيها برومه وهيا 2008 ايه الى يخلي السيراتو اكتر عربيه حديثه هيا والفيرنا تتقلب ايه الى يخلى عربيه اكسنت ماتورها يفوت وحديثه ايه الى يخلى الكيا ريو اسوء عربيه كورى فى التاريخ ملحوظه كيا كانت بتجمع فى السبعينات بيجو وفيات

شايفني بقولك هركبها ولا اجيبها انا عايز الفت نظرك ان حتة عربيات معمرة بس والقلق ده ... مصر بالزات متتكلمش عليه ... انت عندك سيارات من سنة ستين ومن كل الماركات ... وبتترزع عمرة ماتور وعافشة وتخش فرن .. وتمشي علي الطريق تاني

ومتقعدوش بقي تقولو احسن عربية بتتقلب ومش عارف ايه .. ما يللي بيسوقها بيتعلم لسة وعايز يعمل فسوكة علشان جايب عربية جديدة ... يا اما بقي الطرق الله ينور

وبرده مصدق انا بتتقلب .. اصلها مش دبابة علشان متتقلبش وتعالو شوفو هنا بقي الالب بيبقي عامل ازاي من كل نوع وماركة



وبعدين يا صديقي العزيز دا هنا اكتر ناس بترمي سيارات ... ياباني بقي هندي ... ان شالله يكون من الجيزة ... العربية بتترمي بعد سنة واتنين واخرها 3 سنين ... اللي بيجبها بعد كده اللي حالتة المادية تعبانة بقي

يعني انا النهاردة سايق بي ام السنة الجاية هسوق لكزس .. واللي بعدها هسوق موستانج .. واللي بعدها غيرهم

وعلي فكرة ... اقولك علي حاجة يللي بتقولو السيارات ومش عارف ايه ... انا كان قدامي بي ام دبليو 330 اي 2006 يعني الشكل الجديد ... وعلي 60 الف درهم ... ومجبتهاش

بالرغم انها سوري يعني ( ...... أم اي عربية جمبها) لا تقولي يا باني ولا كوري ولا الجن الازرق .. انت بتتكلم في وحش

بس هنا سيارة زي ديه اتباعت اعرف انها اتعلم عليها واتخيتط انا اجيب سيارتي ب 70 الف وكالة احسن واضمن ....

في مصر بقي لو الحوار ده موجود كله بيجري علي المستعمل واديلة ويرجع يقولك انا سوقت بي ام زبالة ... وسوقت سيراتو زفت ... و والله العظيم يا عم سوقت كامري زي البطيخة ... معفنة

طيب ما تشوف انت بتجيب ايه الاول ... وبعدين اتكلم







اخر الكلام يا شباب ... ولكل اللي اتكلم ... انا بحترم وجهة نظر كل الناس ... وشكرا يا رجالة علي اننا اتكلمنا اصلا واتناقشنا مع بعض ...

اللي عايز يجيب سيراتو .. اهلا وسهلا ... اللي مش عايز انا مش باخد عمولة من الشركة يعني

انا عن نفسي جبت سيراتو مش علشان هيه بتسبق فيراري ولا بيطلعلها جنحات يا رجالة زي ما بتتريقوا

انا جبتها لأني راجل متجوز ومخلف وعايز سيارة جديدة (كويسة) فيها راحة في الركوب امان (من وجة نظر الوكيل والاختبارات الكرتون اللي بتخبط فيه هههههه )

وشكلها مقبول ... يعني مغلطش لما جبتها ... كل واحد وليه زوقة

حكاية بقي افرح بيها او لأ ,,, ترجعلي انا ... وانت مش عايز تفرح بيها ليك حق تفرح بسيارتك طبعا وتقول سيارة حلوة

بس في الاخر ... برجاء محدش يزعل مني لو قولت حاجة بلهجة مش كويسة


وعلي فكرة للمعلومية مش علشان نعيد النقاش
( كل كلمة قولتها بحلفان او من غير حلفان انا صادق فيها وربنا يحاسبني علي كده سواء بقي سبقت فلان ... اتقطعت من النيسان التيما انا قولت اللي حصلي من ساعت ما جبت السيارة ... حتي لما دخلت في رصيف والعربية حصلها اللي حصل ... قولت .... علي فكرة انا اسمي يوسف وهدان ... مش يوسف سيراتو او يوسف كيا ... يعني الحمد لله مش عميل هههههههه

شكرا يا رجالة ... والواحد برده استفاد من المناقشة

سلام عليكم