رد: بتحب انهى مدرسة فى صناعة السيارات
كويس ان لسه محدش شارك ... اكمل براحتي بقه
المشاركة الأصلية كتبت بواسطة AboNoRa
كمان عايزين نفكر لية رغم اننا جميعاً ندين بالولاء للمدارس الاوربية الا اننا انجرفنا بشده نحو سيارات المدراس الشرقية الحديثة بداية من الكورى حتى الصينى
وهل ده بدوافع اقتصادية فقط ولا فيه عوامل اخرى ؟!
|
بالظبط ... خصوصا الكوري و ما يليه (ماليزي - تجميع تركي او ايراني - صيني - هندي ....)
لكن الياباني الناس النهارده بتحبه و في ناس بتركب تويوتا او هوندا متنزلش منها الا لموديل جديد من التويوتا او الهوندا
وده معناه ان الياباني كسب مصداقيه العميل و بيوفر له الاداء المطلوب و الراحه و الاعتماديه
المشاركة الأصلية كتبت بواسطة AboNoRa
ليه بعدنا عن السيارات الايطالية وبقينا نخاف منها
|
اسباب كتيره ... الناس زهقت من فتره مكنش قدامهم غير فيات ... والنهارده كله متاح ... ليه متغيرش
فيات النهارده غير زمان
المشاركة الأصلية كتبت بواسطة AboNoRa
ايه توقعاتكم للصناعة (الاسلامية) ان جاز التعبير الماليزية والايرانية
|
الماليزي اتوقع نجاحه و صعوده للترتيب
الايراني ... تجميع فين الصناعه ... محتاج طفره
التركي زي الايراني بس ظروفه احسن شويه و متشعبط في اوروبا
المشاركة الأصلية كتبت بواسطة AboNoRa
ايه توقعاتكم للصناعة الصينية وياترى هترسى على انهى منهج (اليابانى ولا الاوربى) ولا هتاخد خط جديد ومنهج خاص بيها
|
الصيني حيعمل كل حاجه في العربيات زي ما بيعملو في باقي منتجاتهم
وحتبقى في عربيات مخصصه للشرق الاوسط و بلاد زي مصر و سوريا
وعربيات لاوروبا
وحتكون هي هي نفس العربيه ونفس الاوبشنز و كل حاجه ... بس حتبقى عامله زي اللعب واحده ام اتنين و نص تبوظ اول ما تطلع من الكيس و التانيه ام سبعه و نص تشتغل معاك شويه
و حيبقى فيه صيني زي الياباني
وصيني زي الالماني
و صيني زي بعضه
وكله ماشي
وبكره الصين تشتري فولفو و تحقق اعلا معاملات الامان الاوروبيه ptmnlo123per195
المشاركة الأصلية كتبت بواسطة AboNoRa
الهند بعد الطفرة التاتاوية والاستثمارات الهيونداوية تفتكروا ممكن تكون لاعب رئيسى فى صناعةالسيارات مستقبلا ولا هما كده وصلوا لاقصى ما يمكن تحقيقة
|
والله اعلم اعتقد ان الهند حتكون افضل دوله تصنع ارخص عربيه .. تاتا عملت النانو و قبلها الماروتي .... الهند حتفتح مجال ارخض سياره و افضل سياره صغيره خصوصا مع القوه البشريه والعماله الرخيصه و مواد الخام
ومع الوقت ممكن تبتدي تصنع سيارات عائليه صغيره و متوسطه
المشاركة الأصلية كتبت بواسطة AboNoRa
الصناعة والفكر الهندسى الامريكى هل انتهى فعلا ولا لسه فيه فرص للنجاة
|
المركب اللي تودي في ستين في سبعين ..
بس للأسف حيرجعو تاني ptmnlo123per111
المشاركة الأصلية كتبت بواسطة AboNoRa
العربيات الاوربية بعد ما بقت بنسبة كبيرة بتتصنع فى الصين هتفضل فى عنينا عربيات الجوده والعمر الطويل ولا هتختلف
|
معايير الجوده بقت عالميه زي نظام الايزو و بالتالي التصنيع حيكون بغرض خفض التكلفه و سهوله التوزيع الجغرافي ... لكن تأثير الجوده مش حيكون بالدرجه اللي تخلي الناس تغير فكرها
المشاركة الأصلية كتبت بواسطة AboNoRa
الصناعة اليابانية بقيادة محاورها الثلاثة (تويوتا - هوندا - متسوبيشى) اى فرصهم للحفاظ على النجاح المتحقق حالياً فى ظل انهيار السوق الامريكى (سوق هام جدا بالنسبالهم) ولا الانهيار ده ممكن يبقى الدفعة التانية لاعتلائهم عرش مصنعى السيارات بعد دفعة السبعينات
|
مع منافسه الكوري ... موقف الياباني صعب
المشاركة الأصلية كتبت بواسطة AboNoRa
الصناعة الكورية متمثلة فى العملاق المزدوج (هيونداى - كيا) هل فعلا هيحصلوا اليابانين وهيكموا نجاحاتهم التجارية بنجاحات تقنية كمان ويحافظوا على تواجدهم الحالى الاقرب للصفوف الامامية ولا لاء
|
الكوريون قادمون ... القادمون من الخلف يحرزون اجمل الاهداف
لكن اعتقد ان في فتره قريبه حنلاقي اليابان بتعمل عربيات من غير عجل او بقوه القصور الذاتي و نظام فرامل اليكترونيه و قياده من عصا تحكم ... يعني ممكن يتغير مفهوم العربيه و نلاقي اليابان بتعمل الاختراع الجديد اللي بيمشي من غير ما يلمس الارض بالقوه الكهرواليكترو ستاتو مانو فاهم ايه
المشاركة الأصلية كتبت بواسطة AboNoRa
الروس وهما مش اقل من اى حد صناعياً بس مشكلتهم كانت فى الاشتراكية اللى دمرت صناعة السيارات عندهم
بس دلوقتى بقو سوق واعد جدا وسهل اوى يبقوا منافسين اقوياً كمان
|
هيا روسيا عامله ايه دلوقتي ... انا سمعت انها بعافيه شويه ... لو حد شافها يبعتلها السلام ptmnlo123per1127
المشاركة الأصلية كتبت بواسطة AboNoRa
واخيرا احنا بقى كمصريين ممكن نمشى صناعياً مع مين فى الفترة الجاية
زمان كنا مع الطليان بس مستفدناش مهم زى ما استفاد الاتراك
دلوقتى الغالب علينا التوجة لاعادة تجميع وتصنيع الموديلات الكورية القديمة والموديلات الصينية
طيب ده كده اخرنا ولا ممكن يبقى لنا دور اكبر
|
انا حعتبر نفسي ما قريتش الكلمتين دول ...
على العموم احنا ممكن ناخد دور اكبر لو سبنا الارضي و اخدنا في البدروم
المشاركة الأصلية كتبت بواسطة AboNoRa
عايزين نتناقش بهدووووووووووووء وواحدة واحدة لا حد فينا اصلة صينى ولا حد فينا ابن عمة كورى ومش لازم نطلع منالموضوع ده بتطابق اراء كفاية نتناقش مع بعض بشكل حضارى ونستمتع حتى بالاختلاف والاراء المضادة
وربنا يستر ptmnlo123per1116
|
ربنا يستر
ربنا يخليك يا وائل ... عملت موضوع مبيخلصش
بس انا تعبت
كفايه اوي لحد كده ...
معتقدش اساسا ان عندي حاجه تاني اقولها
يعني ممكن اي مشاركه جديده اقول انظر الموضوع الفلاني السطر رقم كذا
ودمتم
ptmnlo123per1106ptmnlo123 per1106ptmnlo123per1106
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 02-02-2009 الساعة 02:35 AM
|