من بريدي
حصلت حقيقي مش نكتة !!
في طالب في الجامعة كان عنده مادة من المواد اللي بيدرسها مختصة بعالم
الطيور ..ولما قرب امتحان المادة آخر السنة .. الطالب راجع وراجع لغاية
ما طلعت عينيه.
المهم.. دخل الامتحان وهوه واثق مليون فالميه إنه جاهز وينجح وبتفوق
كمان..
المفاجأة إن الأستاذ قابلهم بسؤال واحد بس . .
السؤال كان عبارة عن صور لرجلين بعض الطيور ..
والمطلوب معرفة أسماء الطيور من شكل رجليها بس ...
صاحبنا إتعصب وضرب لخمه وكان هيعيط ومعرفش يحل السؤال.. راح قايم من الكرسي وراح للأستاذ وراح مسلم ورقته فاضيه وقاله
إيه الإمتحان المقرف ده .. بتجرب فينا عقدك ولا إيه
رد عليه الإستاذ ببرود وقاله: اعتبر نفسك سائط في المادة يابابا
شويه كده.. لاحظ الإستاذ إن الطالب ما كتبش اسمه على ورقة الإجابه
قاله بنرفزه : أومال فين اسمك يا ولد ؟
قام الطالب رافع بنطلونه لفوق لغاية رُكبه وقاله
وحياة الدكتره بتعتك لتيجي تعرف اسمي من شكل رجليًه