رد: استطلاع هام جدا ( أدخل بسرعة )
مووضع مميز يا استاذ علي كالعاده
انا ليا حسبه تانيه خالص في اختيار العربيه
اول حاجه ببص عليها العربيات اللي علي قد فلوس اللي معايا
يعني لو معايا 100 الف بشوف عربيه ب 95 الف !!!!!
تاني حاجه ابدأ اقارن في معادله بسيطه
اهم حاجه تحقق لي تأديه مرضيه و شكل معقول و قطع غيار متوافره و استهلاك بنزين معتدل
بعد كده اخد بالي من الكماليات و اهم حاجه عندي التكييف و بس
اما بالنسبه لمواصفات الامان فلا تعني الكثير بالنسبالي
الحمد لله ربنا بيسترها دايما
لكن مش معني كده اني اجيب عربيه اساسياتها تعبانه مثلا و اركبها ما ينفعش
و لو بفاضل بين وسائل الامان
حختار وسائل الامان النشطه زي ال abs ,ebd,esp.asc+t, ...الخ الخ الخ
و مش حبص لوسائد الهواء اطلاقا لا تعني معي الكثير
اما بلد المنشأ مش مشكله بالنسبالي اوي مش حتفرق
ما احنا عملنا الفيكترا في مصر و ماشيه كويس و الناس كانت مبسوطه منها
و عملنا الشاهين و ال 128 و الريجاتا و التمبرا و ال 131 و كل المصريين ركبوها و مكنش فيه فرق بينها و بين ما يأتي من ايطاليا
دا بالنسبه لشركه محترمه زي شركه النصر اللي عمرها ما خرجت عربيه من خطوط انتاجها الموتور بتاعها بيجيب زيت
او زواياها مش مظبوطه او جنوطها مش كويس زي ما بيحصل مع غبور علي سبيل المثال لا الحصر
__________________
حـازم خـضـر
|