رد: ممكن مقارنة بين العربيات دى رايكم يهمنى
أبو حميد انا ممكن اديك مقارنه تفصيليه بس خلينني اسهل عليك الموضوع
البيجو سيارات ممتازه بس مشكلتها انك مش هتعرف تركبها من غلو قطع غيارها المبالغ فيه و عدم توفورها احيانا بالنسبه للهيونداي مينفعش أقارن عربيه بقالها 9 سنين بسياره زيرو حتى لو كانت السياره اللى بقالها تسع سنين دي مرسيديس أبسط سبب و جود ضمان بالاضافه انها زيرو!!
اللوجان سياره لا بأس بها من حيث قطع الغيار بس انبهك انها مش رينو دي في الاصل داتشيا لاكن السياره لحد دلوقتي محدش اشتكى منها و قطع غيارها نوعا ما رخيصه لكن لازم تعرف انها تكنولوجيا قديمه استخدمتها رينو في الميجان في فتره التسعينات
الخيار الاخير التيوتا و انا شخصيا حفضلها للاسباب الاتيه
أقوى اداء بسبب محركها الحديث 1600 سي سي بتكنولوجيا ال v v t
عمر افتراضي طويل نسبه للسيارات السابقه
صيانه أقل
أعده البيع اسهل
على الرغم من غلاء قطع غيارها انما يغفر لها انك مش هتحتاج تعمل صيانات كتير
بقى الشكل الرينو لوجان ام سي في تكسب من وجه نظري
لو بتتكلم في مستعمل ممكن تشوف 307 sw بس تبقى مشكله قطع الغيار
و ابتعد تماما عن ما قل عن سنه 2005 صدقني حتندم لأن العمر الافتراضى الحقيقي لأي سياره هو 10 سنين سيبك من الثقافه المصريه و لو فيه أي استفسار تكنيكال انا جاهز
|