رد: تقرير مفصل عن دايهاتسو سيريون من 1998 للان
اولا انا رسميا مش احد ملاك السريون انا متطفل عليها او تقدر تقول مستولى عليها هى عربية حريمى من الدرجة الاولى
العربيتين الى عندى واحدة 2004 فول اوبشن اتوماتيك روز الوحيدة فى الاسكندرية دى المفضلة لدى دى معايا من الزيرو
والتانية طبعا معروفة 2009 فول اوبشن اتوماتيك حمراء ومبحبهاش ولا شكلا ولا موضوعا لية معرفش
ميزات السريون
1 صغيرة الحجم تسلك فى شارع ابوقير
2 عفشتها تمام
3 ارتفاع عن الارض ممتاز بعد تعديل المساعدين
4 تحس انك راكب مينى كوبر بس على اكبر لانى مظنش اعرف اخش المنى كوبر الا لو كوبرلية
5 اقتصادية فى البنزين يوصى ب 90 بس انا بديها 92 مش فارقة 10 قروش
عيوبها
قطع غيار نار
تجميع السرعة ضعيف مش زى اى عربية تكبس بنزين تطير لازم تاخد راحتها بس بعد كدة اوعى وشك
ملهاش احترام من اى عربية كلة بيزنق عليها مش عارف لية
توكيل ايدك منة والقبر بالنسبة ال2004 معندهمش اى قطع غيار لية غير فوانيس الشبورة ب695 الواحد
انا بحب السريون جدا احلى حاجة انى اول لما اشتريت ال 2004 رحت مع مراتى نادى سبورتينج لقيت الستات واقفة تبص على العربية قوىواللى تتصور وتسالنى انت معدل العربية ازاى وفين لان الناس مكنتش فاهمة ان فية تعديل فى الشكل من سريون قبل 2004 وبعد 2004 ولغاية دلوقتى بتسال انت معدل فيها اية وطبعا مراتى من يومها وهى بتحاول انى مركبهاش او تبيعها بس على مين انا ماسك فيها العربية لوحدها عاملة احلى شغل بزمتك لو انت مكانى تبيعها
نسيت العربية ثابته على الارض لغاية 140
بعد كدة تلاقى رجة بسيطة
انا جبت بيها 165
بعد كدة خوفت
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,,
إننا لله وإنا إليه راجعون...
إن القلب ليحزن والعين لتدمع,,,وإنا لفراق أمثاله لمحزونون....
 ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|