المشاركة الأصلية كتبت بواسطة د.كمال
انا اشتريت من يومين الجاك ورخصت الحمدلله..اشتريتها من احد المعارض فى مدينتنا الساحليه ب72 الف اللون الفضى ..وكانت حكايتى حكايه..انا كنت حاجز اصلا ال byd من 3 اسابيع واتاخر التسليم وصاحب المعرض اللى انا حاجز عنده اخبرنى بانه جاب سياره تانيه وطلب منى اشوفها ..ورفضت اشوفها..وقلت له انا عايز السياره الbyd اللى انا حاجزها ودافع فلوسها كاش ..وحس انى زعلان من تاخير تسليم العربيه...واتصل بيا تانى وقاللى تعا لى شوف العربيه اللى انا جايبها ومتشتريهاش ..بس تعالى شوفها..وعلشان مزعلوش قلت اروح واشوف..ولما ورانى العربيه اتفجاءت..ايه ده..معقول دى عربيه..وصناعه صينى..وفضلت الف حولين العربيه..واشوف جمال التصميم ..الفوانيس.. الببان ..ارتفاعها عن الارض..الشكل العام من الامام والخلف..وفتحت الببان وجلست على كرسى السائق..ايه الفخامه دى..بصيت للتابلوه..اصابنى الزهول من روعه التصميم..لو رسمها فنان على لوحه مش هيكون زى كده..التكييف..ال سى دى..لوحه العدادات..الفرش جلد طبيعى...التقفيل محدش بئه يؤللى ممتازه ولا غيره..دى بئه فوق الممتازه..كل الكماليات اللى الواحد يتخيلها .مسابوش حاجه نتعاير بيها...انا اصلا مش عايز الاوتوماتك ياحبيبى...وبصراحه الت فى نفسى ايه اللى انا كنت حاجزها دى ..ونسيت اسمها وطلبت من صاحب المعرض اروح البيت اجيب فرق الفلوس وانا فى حاله زهول وانبهار ولما رجعت المعرض بعد ساعه لئيت اتنين زباين عايزين يشتروها..دفعت الفلوس وكتبنا العقد وحط عليها نمر تجاريه واخدتها وبعد يومين رحت رخصتها فى المرور..وكانت زفه ..كل اللى يشوفها يسالنى عنها..بصراحه العربيه دى هتاكل كل اللى نازل وتبلعهم بلع......وانا عن نفسى اطلقت عليها لقب ....الساحره جاك....
.
|
يالف مليون مليون مبروك عليك الجاك
حد يعد احنا بقينا كام كدة فالمنتدى؟
بس اية رأيك هى البى واى دى جميلة وكل حاجة
بس دى تصميم ايطاللللللى وبسم الله ما شاء الله
ربنا يديك خيرها ويكفيك شرها