رد: ماهى اسوء انجح عربية فى مصر
عامه الصيني كله مقلب و سيء جدا
انا اخاف اشتري موبايل صيني اروح ادفع 100 الف في عربيه صيني !!!
غير كدا مفيش لا جوده ولا اداء ولا احترام للي راكبها
كراسي ناشفه و صالون سيء لابعد حد
يليها الانوس ولكن لان سعرها بمالغ فيه بطريقه بشعه
انا افتكر ان واحد من اصحابي كانو شارينها زيرو من كام سنه ب 30 الف جنيه فقط لاغير
مش عارف بقى ليه سعرها بقى الضعف مع اداء اقل
غير كدا انا الكوري تحت 100 الف جنيه لا اعتبره سياره موثوق فيها
لان وسائل الامان بتكون قليله جدا و شبه معدومه ( منك للطريق :D )
المهم في مصر من وجه نظري مشكله مبالغه الاسعار دي بسببنا احنا
لان عربيه بتنزل ب 40 الف جنيه واحد يشتريها تعجبه يقوم جاره شاريها يقوم صاحب جاره يشوفها تعجبه يروح شاريها
لغايه ما شعبيه العربيه تزيد بس المشكله في الفتره دي يبتدي التوكيل يلعب في العربيه
يبتدي يغلي السعر عشان الطلب عليها كتير عشان يكسب اكتر
و اما يغلي بتاع الف ولا الفين جنيه مش مشكله يعني ماهي كانت ب 40 بقت ب 42 و فيها ايه يعني
في ظل الشغلانه دي يبتدي الدفعه الجديده تنزل اردأ لان الوكيل بقى يجيب درجه عاشره عشان يكسب اكتر و اكتر ( اذا ما كانش جايبها من الاول)
و للاسف المصري الغلبان بيلبس و مابيقولش لا
في السعوديه عمري ما شوفت عربيه فيها عيب صناعه ولا توكيل مش عايز يصلح عربيه
و غير كدا بيدو صيانات مجانيه و لو حصل اي حاجه في العربيه بيصلحوها و مابيقولوش لا
هنا بيعملك استجواب عشان يصلح العربيه و ف الاخر يطلع عيب صناعه و يلصموها و البس تاني يا باشا
|