المشاركة الأصلية كتبت بواسطة driv3r
يا باشا انا عاوزك تقولى طرق تهبيط السياره خطوه بخطوه
من ناحيه كل حاجه يعنى انا عاوز اهبط العربيه وانساها بقى ولا احط فى دماغى مطبات ولا دياولو
ومحملش همها عند التحميل فيها
لو فيه انواع مساعدين معينه او يايات
وتقصير اليايات وكده يعنى
والجنط الكبير
والليله دى كلها
عاوز تفصيل ممل عن هذا الموضوع العنيد
|
بص يا استاذ
التهبيط ده عن طريق تركيب مساعدين وسوست اقصر من الي راكب في العربية بحوالي من 3-7 سم
وده اسمه عفشة اسبور وده بيعمل حوالي 3000 جنيه
بس ليه سلبياته لانك عاوز متحصلش حاجة في المطبات ولما تحمل حاجة العربية متنزلش
1- هتحس ان العربية ناشفة لانك هتركب مساعدين اسبور
من ايجابياتها
1-هتزود ثبات العربية اوي
الطريقة التانية للتهبيط
قص لفة من السوست واوعي تسخنها عشان متبقاش ضغيفة
وديه تتكلف حوالي من 300 - 400 جنيه بس لازم المساعدين تبقي حالتها تمام
وديه ملهاش سلبيات بس ثباتها مش عالية ومش ناشفة اوي
المساعدين تبقي كوني
الجنط العريض افضل من الكبير لانه بيدي ثبات للعربية
وده النظام النضيف منه بيبداء من 2000