المشاركة الأصلية كتبت بواسطة waelnasr78
دلواقتى فيه تخبيط فى العربية من تحت من قدام على الطرق المكسرة اما الطريق الاسفلت ميه ميه الحمد لله العفشجى قال ان المشكلة فى البيض والتيش بتاع الفردة الشمال فيها رجه لجوة وبرة سألته على الجلد والمساعدين قال كويسين عاوز اعرف هل صح اكلام ده وبكام البيض ده والكويس ولازم طقم على بعضه وايه اللى اخليه يشحمه او يعمله علشان اضبط العفشة واحافظ عليها
|
الطقم كامل و كورى اصلى للفردتين يدخل فى حوالى 200 جنيه و ممكن تشترى الجزء لوحده و الافضل تجيب الطقم كامل لأنك مش هتغير كل يوم و اهم حاجة انه يغير اى كاوتش مقطوع و يشحم تحت منه و يربط الأفيز كويس و الاتياش الداخلية هى اللى بتتشحم و تتغطى بالكاوتش اطمن شغلانه سهلة و بعدها على طول ظبط زوايا
وخليه بالمرة يتأكد من بيض المقصات و كل اجزاء العفشة
و دايما روح لحد مشهور و بيفهم و متجرب عشان يجيبلك من الاخر
و العملية دة تتكلف 50-60 حنيه مصنعية
خللى بالك خلى ضغط الكاوتش على 28 لأن ده بيخليك كمان تسمع صوت اى حاجة على الطريق و ياريت تملاه نيتروجين كمان
و ماتنساش تقولنا عملت ايه
و بالتوفيق ان شاء الله