المشاركة الأصلية كتبت بواسطة hazem_khidr
و الله انا بين نارين و مش عارف اختار
علامه بورش مميزه برضه و كفايه ان الواحد يقول انا عندي بورش حتي لو موديل 77!!!!
لكن برضه الايفو كعربيه رياضيه لا غبار عليها
و لكن مع كرهي او عدم تقبلي للسيارات الدفع الرباعي الا ان برضه كلمه بورش لوحدها كفايه
ممكن تكون الكايين شكلها عادي شويه يعني لما شفتها في المحله ما انبهرتش بيها مش عارف علشان شكلها
ولا علشان شفتها في الامارات كتير ولا علشان موجوده دايما في صوره توقيعك و كانت نفس اللون ايضا لدرجه اني افتكرتها عربيتك ![Smile](http://www.masrmotors.com/vb/images/smilies/smile.gif)
بس برضه اسمها بووورش
|
ما هي دي الفكرة يا حازم باشا
انا مببصش للماركات
انا بقارن عربية باخري علي الرغم من الاختلاف ما بينهم
و فعلا الكايين موجودة هنا كتير و يمكن عربيتي تعتبر ولا حاجة جنب ال GTS و التيربو و التيربو S كاداء
علي عكس الايفو اللي مش منتشرة نهائي و لما بتتشاف بتبقي في الغالب طايرة
المشاركة الأصلية كتبت بواسطة ILOVE mitsubishi4ever
بص يا باشا لو عايز حاجه تديك هيبه لما تنزل مصر يبقي البورش لكن الايفو هيفكروها شارك وبعدين مش كل واحد هتفتحله الكبوت وتفرجه لو بتنزل مصر كتير انا من رأي بورش لو مره في السنه خليك في الايفو بس الايفو شديده عايزه واحد متمكن
|
يا زعيم موضوع كصر ده برة حساباتي
الاتنين هيتبهدلوا فيها و انا اعصابي متستحملش
انا تخري في مصر الفئة الخامسة او E Class و دمتم ده لو نزلت و اساقريت
غير كده مفيش احسن من الكرولا ايجار او الباجيرو بتاعت والدي و بس
المشاركة الأصلية كتبت بواسطة mahmoudnada80
بص يا حورس باشا
انت الي هتحدد مش احنا
بمعني اخر الناس الي في الشارع مش حتفرق معاهم شارك ولا ايفو
او بمعني تالت ممكن تعمل تست درايف للسياره الجديده (و تعمل تقرير عنها في مصر موتور )
وانت هتعرف ان الفرق بين العربيتيين كبير
ايوه كبير و من رابع المستحيلات انك تجيب تقفيل ياباني زي الاماني و خامات و حاجات تانيه كتير
وبعدين في الكويت بيعشقوا الياباني و ده دليل علي سعر السياره هناك وهنا
يعني العربيه الايفو 10 في مصر ممكن تعمل 650 الف اما البورش ممكن تعمل مليون وشويه
لان في مصر العربيه ليها معايير وفي الكويت ليها معايير تانيه
واهم هذه المعايير هو المستهلك الي هو حضرتك
عشان كده متاخدش برأي الشارع المصري او الكويتي خد برأيك الشخصي
اما رأي رجاله مصر موتور فهو واضح جدا البورش احسن بكتيير
وبالتوفيق باذن الله
|
يا زعيم انا مقلتش ان الكايين احسن ان من الايفو او العكس
انا بس بفكر معاكم بصوت عالي في الفكرة ده
غير كده انا مالي و مال الناس انا اللي بركب و بستمتع
و عموما في كلا الحالتين هتفرج علي الاخرين من خلال المرايا الوسطانية
المشاركة الأصلية كتبت بواسطة lido123
أنا رأيي إنك تفضل بالبورش لأنها أفضل بمراحل من أي عربية تانية ولكن طبعاً مأقدرش باردو أغلط في اللانسر.................. ............ (فعلا هو إختيار صعب)
ptmnlo123per111
|
فعلا اختيار صعب
مش كده
المشاركة الأصلية كتبت بواسطة مهند سالم
يا جماعة الراجل بيتكلم في حاجة محددة، مسألة الربح والخسارة، وبالنسبة لهذه النقطة بالتحديد عشان ما نخرجش عن الموضوع، يبقى اللانسر هي الاختيار الأفضل، لأنه هيبيع عربية بتخسر، وهيجيب عربية زيرو حافظة تمنها، واللانسر أيفو يا جماعة مش وحشة، بالعكس دي عربية جميلة جدا.
أما لو الموضوع موضوع رفاهية وسواقة يبقى البورش طبعا، بس مش هو ده الموضوع.
ولذا أنا أفضل قطعا بيع البورش وشراء الأيفو الزيرو، وشكرا
|
اخيرا واحد فاهمني