بكرر شكرى للمهندس ايمن على مجهوداته فى الرد على استفسارات مالكى السيارة والتواصل معهم وطبعاً نتمنى ان دوره يكون (ثنائى الاتجاة) وينقل استياء العملاء من بعض العيوب المتكررة والمشاكل المشار اليها للتوكيل بالصورة الكاملة والمناسبه ، اللى اعتقد انها تستوجب حلول جذريه مبنى على خطط سريعة لتداركها
يعنى مينفعش ان يكون فيه شكاوى عامة من تسقيف العربيه والتوكيل يكون رده ان العربيه مصممة لاوكتين 93 او اكتر !!! طب جابها ليه ومعروف ازمه الوقود فى مصر مقارنه بالحالة الاقتصاديه وبالتالى يصبح شرط اساسى لاى عربيه اقتصاديه انها تشتغل على بنزين 90 و 92 ده فيه ناس بتحط بنزين 80 كمان
انزلهم انا عربيه واقولهم اصلها محتاجة بنزين 93 او اعلى .... مينفعش وكلام مش هيوصل ابداً للناس بالشكل المفيد وهيكون ليه تاثير سلبى على رايهم فى العربيه
وبعدين تقنيات شيرى مش مستحدثة ديه منسوخة او مورثة من تقنيات شركات اسيويه وكل المحركات الاسيوية كويسه مع الاوكتين الاقل من 92 ونسب انضغاطها معقولة وحتى لو الموضوع كده اكيد ممكن يتعمل تعديل فى الكمبيوتر او فى اى حاجة تقلل حتى من الظاهرة السخيفة ديه
مشاكل الدينامو بقت واضحة وضوح الشمس من شهور ولسه التوكيل مش عارف يوفرها بالشكل الكافى !!!
ده بدل ما يعمل recall للعربيه ويستبدل كل القطع سواء باظت او لسه !!!!!!!!
طبعاً انا مش بلوم حضرتك بالعكس عاجبنى ان حضرتك مبتزوقش الحقيقة او بتحاول تهرب منها وبتنقل الصورة للناس بوضوح بس صدقنى لازم يبقى فيه حل افضل اما ان الرسالة توصل للتوكيل ويبقى فيه على الاقل تأكيدات بتدارك المشاكل ديه فى اسرع وقت
او يتوجد سوق خارج التوكيل يقدم الحلول ديه والعربيات فعلاً مش وحشة وعمليه الى حد كبير وممكن يكون لها مستقبل فى مصر اكبر
مش لازم كل حاجة نتستنى الحلول من التوكيل
