[حازم شاهين]

يا باشمهندس أيمن
مشكلة التوكيل إنه أحيان كثيرة و نتيجة للضغط (و الترهل الإدراى) ما بيقدرش يحل كل مشاكل أصحاب السيارة و مشاكل كتير بتفضل فى السيارات بعد الصيانة .
أى حد لو تعامل مع أصحاب السيارة بأمانة و بإخلاص هينجح إن شاء الله
و الموضوع ده حصل قبل كده فعلا
مشروع حضرتك ليه مقومات نجاح
1- خبرتكم الكبيرة
2- بداية خروج أعداد كتير من السيارات خارج الضمان
3- الضغط الكبير على التوكيل و مشاكله المعروفة (الوقت و التكلفة العالية و عدم الإستجابة لكل الشكاوى)
4- إنتشار التاكسى و المعروف عن أصحاب التاكسى الميل للبعد عن التوكيل لأسباب مالية

لكن فى النهاية كل مشروع جديد ليه مخاطره برضه و الموضوع بيتوقف على قدرة كل واحد على تحمل المخاطر دى و أهمها
1- ترك العمل (إللى يعتبر مضمون فى التوكيل لعمل حر غير مضمون)
2- الشراكة بين خمس أفراد و ما يمكن أن تسببه من مشاكل فى المستقبل
3- التكلفة المادية العالية نوعا ما
4- فترة البداية و ما تحتاجه من صبر رغم إمكانية عدم تحقيق أرباح
5- عدم الإنشار فى البداية و ضعف الإقبال و غياب الشهرة

و فى النهاية طبعا دى أرزاق و بإيد ربنا
و ربنا يوفق للخير