[mr/medo]

المشاركة الأصلية كتبت بواسطة elsaidy اخى رحيم اولا : وعليكم السلام ورحمة الله وبركاتة ثانيا : انا اسمى محمد فتح الله الصعيدى وليس سيد بسم الله الرحمن الرحيم طالما وجد بالتوكيل البيع لنفسة فلا يستطيع البائع ان يلغية بمفردة يعنى لازم انتم الاثنين مينفعش الوالدة تروح مكانك بالتوكيل العام الا فى الحاجات اللى تخصك انت وليس بصفتك بمعنى انت معاك توكيل من الراجل البائع يبقى لما هتعمل عقد بيع لنفسك هيتكتب فيه صفتك وكيل عن البائع اما التوكيل اللى مع الوالدة فهو عنك انت يبقى لازم تكون انت موجود بالنسبة للرسوم 120 جنية رسوم عقد البيع اما الاوراق بطاقة سارية او جواز سفر حديث به الرقم القومى او رخصة قيادة + شهادة ميلاد او جواز سفر عادى ويكون سارى + شهادة ميلاد رقم قومى بجانب اثبات الشخصية فى الخيارات المتاحة اعلاة يجب ان يكون معك رخصة السيارة سارية وبدون حذر او شهادة بيانات موجهه للشهر العقارى ( وياريت تراجع بيانات السيارة فى هذه الشهادة كويس يعنى رقم السيارة وعدد السلندر ورقم الشاسية والموتور ) وده بجانب طبعا اصل التوكيل الخاص اللى معاك من البائع ملحوظة هامة اذا كان رقم السيارة حديث يعنى اتغير وبقى مختلف مع اللى فى التوكيل يجب ان تحضر شهادة بيانات وليس رخصة ويكتب بشهادة البيانات (اصلها ثم الرقم) واخيرا لو عايز تستفسر ومش فاهم حاجة اكتبها وان شاء الله احاول اساعدك

انا اسف اسمحلى اختلف مع حضرتك .
حضرتك المالك عامله توكيل وهو عامل توكيل عام لوالدته .
والدته فى الحاله دى بتبقى وكيل الوكيل ونبتقوم بكل الاجراءات بالوكاله عن ابنها اللى هو اصلا وكيل المالك الاصلى .
اعتقد ان والدته تقدر تقوم بالاجراءات مكانه عادى جدا وبدون اى مشكله .

وفى حاجات كتير انا كنت فيها وكيل الوكيل وبتمشى عادى جدا لان الوكاله فى الوكاله جائزة قانونا .
وشكرا