رد: ايه اغرب ركنة ركنتها قبل كدة؟؟؟؟
استاذ بندارى
احنا طبعا كلنا ملتزمين بحكاية الركنة دى لنفس السبب
بس ممكن مرة الواحد تجيله ظروف قهرية تخليه يركن ركنة غريبة
يعنى انا مرة فى مطروح كنت عايز اركن و لقيت شارع صغير طوليا و عرضه حوالى تلات حارات
و الناس راكنة فى الحارة اليمين و الشمال و واحد واقف فى الحارة اللى فى النص
قولت ده اكيد شارع فاضى و الناس بتركن فيه
صحيت الصبح رحت اخد العربية
لقيت كل العربيات اللى كانت راكنة اختفت
و الشارع شغال عاااااااااااادى خالص
بس كل اللى رايح و اللى جى يقول ميييييين الحمار اللى راكن الراكنة دى؟ ptmnlo123per1127
تخيل بقى حضرتك منظرى و انا طالع بالعربية
و نظرة الناس ليا
على العموم شكرااا جدا لحضرتك
اما بقى يا بشمهندس فوالله فكرة جامدة ptmnlo123per112
لو لا قدر الله البطارية حصلها حاجة و الواحد كان مأشفر
اوعدك انى حعمل زى حضرتك بالظبط
و كمان عجبنى الراجل اللى سأل حضرتك على نظرية الركنة دى ptmnlo123per15
كويس انه عايز يستفيد
و شكرااا جدا لحضرتك
__________________
و من الحب ما قتل
|