[MIDO-SPICY]

المشاركة الأصلية كتبت بواسطة مهند سالم يا جماعة سبق وتم طرح موضوع سياسي في المنتدى والإدارة رفضت، وبصراحة أنا شايف إن ده عين الصواب، بلاش كلام في المواضيع دي؛ لأنها هتعمل كثير من الشقاق والضيق بين الأعضاء، واللآراء هتتضارب، والمنتدى هيتحول لساحة حرب، أرجو يا دكتور حضرتك ما تتضايقش مني، بس أنا مش مع حضرتك ابدا في طرحك للموضوع ده، مع إني بأحب مواضيعك جدا ، بس المره دي سامحني أنا مش معاك.

اسمحلى بقى انا يا مهند بالرغم من انى اؤيدك بشده فى موضوع اغلاق الموضوع اياه بس اعتقد ان استراحة المنتدى اتعملت للمواضيع اللى زى دى
وكمان لو موضوع أ/ تامر مش مكانه فمن باب اولى ان موضوع الشحن على الهوا مايبقاش هنا بصرف النظر عن ان الشركه نصابه ولا لا
وبعدين موضوع انشقاق الاعضاء وساحة الحرب .. فانا اعتقد انى من خلال السنه اللى قضيتها مع مصر موتورز ده لا يمكن يحصل لسببين ..
اولا : لان الناس هنا كلها عارفه بعضها وبتحب بعض
ثانيا : لان الاختلاف فى الراىء مش لازم بس فى السياسه . ممكن جدا يكون اختيار نوع عربيه او التفاضل بين اكثر من عربيه
القصه مش فى السياسه او غيرها .. القصه فيما يقدم للمنتدى هل هو جدير بالاحترام وبالاراء السليمه ام مجرد اى كلام وخلاص
على فكره فيه حد من شهر كتب موضوع فى انه عايز يكتب عن سياسات مصر وانا كنت مشجعه جدا .. انا الحقيقه ماشفتش الموضوع دا تانى ومش عارف هو دا الموضوع اللى انت بتتكلم عليه ولا غيره .. بس انا عايز اقولك ان الموضوع كان عليه تجاوب كبير جدا من الاعضاء وبدون خلاف
وخد بالك ان دا مش اول موضوع فى السياسه داخل المنتدى فيه كتيييييييييييييييييييييير غيره واخرها موضوع ا/ وائل نفسه باسم قانون كترمايه وكده كفايه
سامحنى فى اختلافى معاك فى طرح الموضوع سواء كنت متفق مع ا/ تامر فى كلامه او لا

مجرد رأى