صباح الخير يا جماعة .. عاملين ايه؟
يا رب كلكم تكونوا تمام
النهاردة حبيت احط موضوع بلاحظه كتير جدا و هو
هل أداء السيارة يظل كما هو كل يوم ؟ أم تحس بتغييرات و لو طفيفة من يوم للآخر؟؟
يعنى انا متعود كل يوم الصبح بسخن العربية لحد ما المؤشر يتحرك فوق أول علامة و بعدين اتوكل على الله بس الغريب ان يوم تبقى العربية ماشية ناعمة و زى الفل و مش حاسس لا بصوت الموتور ولا الشارع و تمام الاتمام و ايام تانية احس ان الشد مش هو و الصوت عالى و الفرامل بتصفر
مع العلم انى دايما بسوق و انا فاتح الشباك و بسمع الكاسيت بصوت واطى ,,, يعنى احتمال ان الواحد يكون مسطول و مرة فاتح الشبك و مرة قافله مش قائم قوى
و لو حد من حضراتكم بيحس بالتغييرات دى زيى ممكن يكون سببها ايه
هل حرارة الجو بتفرق (الكام درجة اللى بين كل يوم و التانى) (امبارح و النهاردة) ؟
هل كمية البنزين فى التانك بتفرق ؟
انا مش عارف ممكن يكون ايه السبب و ايه هى انسب الحلول للحصول على افضل اداء من السيارة فى جميع الاوقات؟
و شكرا