يا عم الباشا انا ساكن بردو فى المعادى و عربيتى سيراتو خليجى و اشتريت ضمان من شركة AAA و هى كويسه و بعمل الصيانة الدوريه فى مراكزهم المنتشره فى مصر اقرب واحد ليا فرع دار السلام اللى تحت الدائرى اللى كان مركز معتمد كيا من زمان و دلوقتى هو معتمد هيونداى و بيعملوا صيانه للكيا بردوا و هما شطرين و على فكره طلع ان فى قطع غيار كتير من الالنترا و النيو سيراتو يركبو على بعض زى بعض فى كل حاجه و اسال و شوف فرع AAA فى 8 عمارات العبور ضمان السنتين ب 1500 جنيه او 40 الف كيلو او تروح على المركز بتاع دار السلام ده و تعمل فيه صيانتك هما ناس ميه ميه بردو و بعد لما بيعملو اى صيانه بينضفو المتور اخر حاجه و هما بردو عندهم ضمان روح فى اى حته و اعمل صيانتك و متتاخرش و متسمعش كلام الميكانيكيه او روح بنزية توتال اللى فى المعادى اللى على الكورنيش قصاد فلفله ناس ميه ميه و اللى يدحك ان فى ناس عربياتها و كيل و بتعمل صيانتها الدوريه هناك و عندهم نيتروجين كمان اول مره ب 20 25 و التشييك على الضغط بعد كده ببلاش و عندهم مغسلة عربيات ميه ميه احسن من شل و موبيل ,خللى بالك ياما تحط زيت شل او توتال 9000 انا بحط شل و ميه ميه و يا رب اكون افدتك .
الاتى منقول للافاده:
كل صيانة مجانية تشتمل على 27 نقطة فحص مجانية و هي الأتيه
أسفل غطاء المحرك :
1 - مراجعة و فحص كالون الكبود
2 - مراجعة مستوى السوائل
3 - مراجعة و فحص بالنظر اي اجزاء مفكوكة او مفقودة
4 - مراجعة خراطيم البخر و التهوية
5 - مراجعة حـــــالة السيور
6 - مراجعة كفاءة مروحة التبريد
7 - مراجعة حالة البطارية و توصيلاتها
رفع نصف السيارة
8 - مراجعة التيل و الطنابير الأمامي
9 - مراجعة التيل و الطنابير الخلفي
10 - مراجعة حالة الإطارات و ضغطها بالإضافة الى الإطار الإحتياطي
أسفل السيارة
11 - مراجعة خراطيم ومواسير الفرامل
12 - مراجعة خراطيم ومواسير البنزين
13 - مراجعة الشكمان ومواسير الشكمان
14 - مراجعة علبة الدريكسيون و الوصلات و الكوتشات و المساعدين
15 - مراجعة مسامير و صواميل الشاسيه
16 - مراجعة الكبالن و الكاوتشات
17 - مراجعة تسريب اي سوائل
السيارة على الأرض
18 - مراجعة عزم صواميل رباط العجل
19 - مراجعة البدالات
20 - مراجعة فرامل اليد
21 - مراجعة عمل التكييف
22 - مراجعة السنتر وزجاج الكهرباء
23 - مراجعة الكلاكس و الأنوار
24 - مراجعة حزام الأمان
25 - مراجعة العدادات و المساحات
26 - مراجعة فتح و غلق الشنطة و الأبواب باستخدام المفتاح و نظام أمان الأطفال
27 - مراجعة المحرك على الجهاز
_________________________ _________________________ _________________________ __
_ جميع الزيوت و السوائل المستخدمة في التوكيل هي من شركة شل العالمية
صيانة الألف كيلومتر
وصيانة العشرة الآف
استبدال : زيت محرك – فلتر زيت + 27 نقطه اللى فوق
