رد: هيونداى ولا كيا بيكانتو ولا سوزوكى التو ولا سبرانزا A213ارجو الرد بسرعة
أنا رأيي إنك تشوف مواصفات كل واحدة فيهم على حدة و تستبعد الأقل جودة
دي تجربتي مع الألتو 2007 خليجي
تجربتي مع الألتو:
2007 ، غيار عادي 1100 سي سي ، مكيف، ABS
بشكل عام السيارة معقولة بالنسبة لسعرها و فيها كماليات كويسة و عزمها مش بطال بالنسبة ل 1100 سي سي ، موفرة جداً جداً في إستهلاك البنزين ، صبورة جداُ و إستحملت مني كتير بصراحة و خصوصاً المطبات القاتلة ، يعني الأكسات ما باظتش غير بعد سنة و نص من الإستخدام الشاق ptmnlo123per1127
لكن فيها مجموعة من العيوب القاتلة:
1- السيارة الوحيدة في العالم اللي ما فيهاش شبكة (بتاعت الضباب و الشبورة و الذي منه) في الزجاج الخلفي
2- السيارة الهاتشباك الوحيدة في العالم اللي مافيهاش مساحات على الزجاج الخلفي
3- سحبها ضعيف جداً لذلك لا أنصح أبداً بالـ 800 سي سي
4- ضيقة جداً و خاصة الكنبة الخلفية (تقعد عليها مربع بس .. إذا لم يكن عند اللي قاعدين قدام إستعداد لزنق أنفسهم و تقديم الكراسي لقدام).
5- تقفيلها و مكوناتها سيئة إلى حد كبير
6- السيارة تجميع هندي .. يعني ليست ياباني أبداً
7- الكبوت يفتح بصعوبة جداً ، غطا الريدياتير ما بيفتحش خالص باليد (لازم تستخدم عدة)
8- صوتها عالي جداً جداً و ده عادي للمحركات الصغيرة على ما أعتقد
9- مراجيح مولد النبي كلها تعيشها في المطبات .. لا أعتقد إن فيها مساعدين
10- الغيار بتاعها ناشف جداً جداً و بيعلق كتير
11- غير صالحة للإستهلاك العائلي
<!-- / message -->
|