المشاركة الأصلية كتبت بواسطة mohamed ibiza
المشكله واضحه !
اولا طرمبة البنزين العاديه ملهاش علاقه بالكلام ده لو كانت كهربا كنت قلت ماشي كبسها ضعف انما العاديه متعملش كده و الكلام ده عن تجربه مع العاديه و الكهربا !
مشكلتك انك بتسيب البنزين في الاحمر يعني العربية بتبقي شبه فاضيه فيها بنزين قليل اوي طب ما انت كده بتدي فرصه للبلاوي اللي متحوشه في قاع التانك انها تخش للكربراتير مع البنزين بالتالي العربية تقطع لانها مش داخلها بنزين صافي و سحبها يبقي وحش و ده بيأثر بالتبيعه علي الكربراتير لانك كده هتحتاج تنضفه كتير بالسبراي بتاع التنضيف و بيأثر علي البوجيهات
و اديك جربت تفولها علي الاخر و المشكلة راحت ! متمشيش بيها و البنزين في الاحمر تاني
مشكلة التقطيع في العربية دي بتنحصر في حاجات محدودة جدا !
كربراتير
بنزين 80
بوجيهات خربانه
كهربا مش مظبوطه
سلك بوجيه بايظ
و انا جربت كذا مرة امشي بيها و هي في الاحمر كانت بتقطع و تقرفني و مش عايز اقولك انها كانت بتبطل كمان مش مجرد تقطيع و خصوصا لما الامبير يبقي خلاص قرب يقرا انها شطبت بنزين
|
الف الف الف شكر على الرد
انا روحت للميكانيكى عشان بتقطع على الخامس بس قبل ما يجرب ضغط هوا فى الكربراتير المشكله و احنا بنجرب راحت بس تانى يوم كنت على الدائرى ظهرت تانى بعد الميه و عشرين العيب يروح و على فكرة يظهر بعد ما امشى شويا على الخامس او بعد ما امشى على الرابه شويا و اجيب خامس و انا كنت مغير الكربراتير مش عارف يمكن سلك بوجيهات مثلا و ازاى اعرف ان الكربراتير اللى انا جبته نضيف و كان عندى سوال عن العفشه لو القطمه مش سليمه و بليه الدركسيون الاعراض ايه و شكرا و حياك الله و بياك