[abdelmoneim]

المشروع مربح جدا بس اهم حاجة الصنايعية الي هيكونوا شغالين معاك..وراس المال الي في الاول بيكون علي حسب انت ناوي علي ايه ..يعني ممكن تجيب 2 كريك الي بيرفعوا العربية وعربية عدة كاملة وجهاز فحص كمبيوتر والمشحمة بتاعة الزيت وهتحتاج كمبرسور..واهم حاجة تكون مظبط روقك او رخصة المحل عشان مش كل شوية حد يجيلك ويكون عايز فلوس...ولازم المكان يكون مش مطرف وفي نفس الوفت مش في منطقة سكنية عشان محدش يقرفك..وممكن بردوا تجيب مكنة غسيل وادوات كار كير ويكون مركز خدمة وغسيل ..بالنسبة للاسعار بتكون زي ما قولتلك انت ناوي تفتح ايه ..عشان في مليون حاجة ممكن تجيبها..انت ممكن تنزل شارع الجمهورية وتشوف الاجهزة والعدد الي هناك وهتلاقي مليون محل جنب بعض..بس نصيحة لازم يكون معاك حد بيفهم في المجال دا لو نويت تفتح يعني بلاش تفتحه مع نفسك عشان الصنايعية ما يعملوش شغل من تحت لتحت لحسابهم او ينصبوا عليك او علي الزبائن ..ولازم تهتم بالواجهة ويكون شكل الصنايعة كويس عشان الزبائن..وربنا يوفقك