المشاركة الأصلية كتبت بواسطة ahmed_kamel
ديه حاجه محبطه ياباشمهندس سامح إزاي لحد دلوقتي ماحدش رد عليك وحياك وضربلك تعظيم سلام على الموضوع الجامد قوي قوي ده
برافو ......................... ..................ptmnlo1 23per154
|
معلش يا احمد باشا ... اصلي كنت طالب نمره غلط .... ههههه
والله انا من ساعه ما رفعت الموضوع لسه داخل دلوقتي... و بصراحه متوقعتش الاقي مشاركات بسرعه كدا ... خصوصا اني رفعت الموضوع بالليل متأخر
المشاركة الأصلية كتبت بواسطة hazem_khidr
انا جيت ارد اهو 
بس لسه ما قريتش الموضوع علشان ورايا شغل بدري و العنوان شدني
بقرأ حقرا الموضوع و اكتب رائي |
كفايه انك شرفت الموضوع يا حازم بك .... وان شاء الله الموضوع يعجبك
المشاركة الأصلية كتبت بواسطة ayman abdelrazek
والله يا سامح الموضوع رائع للغاية لدرجة أنى بقالى ساعة بحاول افكر فى رد يطرى ويثنى عليك وعلى التحفة المقدمة لكنى لم أجد سوى انه موضوع فى غاية العظمة والروعة وروعته تتمثل فى غزارة المعلومات القيمة جدا جدا عن السيارة والعرض الشيق لتاريخ السيارة من لحظة الميلاد حتى الأن فضلا عن السلاسة فى تقديمها وكأنها وجبة دسمة للغاية لا تحدث تلبك معوى بالقدر التى تحدثه كفائدة للجسم .....
|
ربنا يخليك يا ايمن ... ردك دا بالنسبه لي احلا من الموضوع نفسه
وربنا يجعل كلامي دايما خفيف على المعده
ومعلش على الساعه اللي ضيعتهالك ptmnlo123per1127
المشاركة الأصلية كتبت بواسطة ayman abdelrazek
بالأضافة الى اختيارك لعنوان يجذب الانتباه كما عودتنا دائما وأعتقد ان بهذا الموضوع مع الموضعين السابقين الرائعين الخاصين بألفا روميو والانشيا أعتبرك المنافس الشرس بل الأوحد لأحمد أبو كامل
|
ليه يا ايمن .... حرام عليك ... اروح فين انا في مواضيع احمد كامل
طب انت نفسك قايل انهم 3 مواضيع .... يعني محصلتش تاكس اجره 4 راكب .... تقوم تحطني قدام قطار الموضوعات ... احمد كامل
ده انا ساعات بخاف ادخل موضوع واحد من مواضيعه معرفش ارجع .... ههههه ... وده بسبب كم المعلومات و المجهود المبذول في كل مواضيعه
المشاركة الأصلية كتبت بواسطة ayman abdelrazek
من الأخر تشكر جدا على المجهود المبذول يا سامح وما تسمعش كلام أحمد كامل لأن التفاعل لم يكن سريعا لأن الأعضاء اللى شافوا الموضوع 6 افراد فقط والباقى جاى فى السكة....ptmnlo123per112
|
اكيد مش حرفع الموضوع الاقي الناس ترد ... بالعكس انا حاسس ان انا اللي اتأخرت في الرد عليكم .... انا كنت ناوي ادخل الصبح ابص بصه بس معرفتش ....
ومتشكر جدا جدا على ردودكم ...
بس فعلا انا لسه شايف ردودكم من ساعه ما رفعت الموضوع و متوقعتش يكون التفاعل بالسرعه دي
ده حتى ابو حميد نزل موضوع عن الجران توريزمو ..... مش بقولك قطر...
اوعى تقف قدامه ..... ههههههه
المشاركة الأصلية كتبت بواسطة ahmed_kamel
ياباشا لاوجه للمقارنه أنا لسه جديد على المنتدى أي نعم أنا مسجل فيه من شهر أكتوبر بس ماتابعتش المنتدى إلا من أول شهر ديسمبر الماضي وقررت أن أرفع للمنتدى بما أنه يحمل إسم مصر كل مايتوفر لي من معلومات وعزمت على أن أثري المنتدى بتقارير محترمه تليق بإسم مصر وبإسم المنتدى حتى يصبح هذا المنتدى الجديد واحد من أهم مراجع النت عن عالم السيارات هوه ده هدفي والباشمهندس سامح واحد من ضمن الجيش الذي شرف المنتدى بوجوده معنا وهو أقدم مني في المنتدى طبعا ,اكبر مني مقاما وقدرا لاشك
فمواضيعه من أكثر المواضيع التي أحرص على رؤيتها لما لديه من حرفيه فطريه في خلق حوار وطريقه في طرح المواضيع تستطيع أن تخلق مناقشات جدليه بالإضافه لما يتمتع به أسلوبه في عرض المعلومات بصوره مبسطه وخاليه من الحذلقه أو الصفططه
إلى الأمام ياباشمهندس سامح
ptmnlo123per112
|
والله بتحرجني جامد يا مهندس احمد بذوقك و اخلاقك
وده تواضع منك ... حضرتك ما شاء الله في شهر عملت موضوعات الواحد يقعد سنه يعمل فيها و مش حتطلع بالحرفيه دي زي موضوعاتك
وبعدين قدر و مقام ايه يا ريس .... سيبك من الكام نقطه الخضرا اللي فوق على الشمال دول ... دول علشان الحسد بس .... هههههههptmnlo123per145
ياباشا مقامك محفوظ ... و كل عضو من الاعضاء باشا و رئيس قسم
كلنا هنا اخوات ... حتى السن او الوظيفه ملهومش وجود هنا ... اللي يفرق ما بينا اسلوب الحوار والفكر ... و الحمدلله كل الناس هنا ممتازه ... واعلا اخلاق ... واحترام الكل من الجميع .... و فيه شباب زي الورد وعندهم فكر و معلومات عن العربيات احسن من 100 واحد عجوز زيي ...
وان شاء الله ده اللي حيخلي مصر موتورز افضل منتدى عربي...ptmnlo123per1126ptmnlo123 per171
المشاركة الأصلية كتبت بواسطة ahmed_kamel
بعد إذنك طبعا ياباشمهندس سامح
رأيت أنه من الواجب تسليط الضوء على أحد هذه الموديلات بسيارات ميزاراتي
أنا شخصيا مغرم بهذا الموديل
|
من غير اذن يا باشا ... امال المشاركات اتعملت ليه ... اهي دي احسن مشاركه في الموضوع
وبصراحه انا كان نفسي انزل المواصفات الفنيه مع الموضوع بس خفت يبقى تقيل اوي ....
وبيني وبينك انا كمان الجران توريزمو عجبتني اوي اوي
وعلشان كدا حنزل مواصفاتها هي بس
Modelffice ffice" /> | |
| |
| 4881 / 1847 / 1353 / 2942 |
| |
| |
| |
| |
| |
| |
| |
| |
| |
| |
| |
المشاركة الأصلية كتبت بواسطة Ahmed Anwer
شكرا أ / سامح علي الموضوع المميز
شكرا ، م/ أحمد عل الإضافة القيمة
المشكلة بس يا جماعة ان المواضيع دي بيكون التعليق عليها صعب
زي ما بتتفرج علي مجلة جميلة ،،
مبيكونشي فيه اضافة
الاضافة الوحيدة ان اي موضوع عن سيارات ايطاليه
الواحد بيخش عالطول عشان يشوف شوية كراسي جلد تحفة ptmnlo123per122
|
يعني هي الكراسي بس اللي حلوه يا احمد باشا ... طب التابلوه ... الانتيريور عامه ... و الاكستيريور ... مازيراتي تقريبا اتعاملت مع اشهر المصممين الطلاينه ... بيننفارينا .. بيرتوني ... جيوجيارو ... جيا ... جانديني ...
متهيألي مفيش مصمم ايطالي مصممش حاجه لمازيراتي !!!!
بس انت في نقطه مهمه اثرتها يا احمد ... خصوصا مع مشاركه ايمن و احمد كمال
هو ايه المهم في الموضوع ... مش انه يعجب الناس ... طيب صاحب الموضوع يعرف ازاي ؟؟ ... كفايه اي كلمه بسيطه .... و يا سلام لو حد عنده معلومه يضيفها ptmnlo123per171( مش شرط زي اضافه احمد كامل لأن اضافاته لوحدها موضوع في حد ذاته )
بس بيني و بينك انا بعمل الموضوعات دي ليه ...
اولا لأني بستمتع بعمل الموضوع ... بيفكرني بايام الكليه لما كان الواحد يعمل سكتش تصميم او تقرير عن مبنى تحفه زي المسافرخان مثلا وليس حصرا
ثانيا ... اكيد الواحد بيفرح لما يحس ان الموضوع عجب الناس وانه افادهم او امتعهم بحاجه في الايام اللي تسد النفس دي
يعني لما احس ان الناس انبسطت ... انبسط لانبساطهم انبساطا مبسوطا ptmnlo123per1127
ثالثا ... و دي نقطه مهمه ... ( معايا يا ايمن باشا ) ... موضوع المنافسات دا ليه ؟؟ وليه نقارن حد بحد او فلان بيعمل موضوعات زي علان
مين حيستفيد ايه ... بالعكس ... كدا بيتعمل ضغط على الواحد انه لازم يعمل موضوع احسن من اللي قبله ... يعني انا لو عملت موضوع اقل من ده يبقى مستوايا نزل ... او لو احمد كامل جاب موضوع على السريع يبقى قصر !!!!!
ونتكلم بصراحه وياريت محدش يزعل... انت يا ايمن كدا حطتني انا و احمد في خانه مزنق ... وممكن اعضاء كتير يزعلو ... انا متشكر ليك جدا ان الموضوع عجبك و ردك اعتز بيه جدا
بس ممكن الموضوع ميعجبش ناس تانيه و نفس الحكايه بالنسبه لاحمد كامل ...
لأن معايير التقييم تختلف من واحد للتاني ... ولولا اختلاف الاذواق لبارت السلع
انا لسه شايف امبارح موضوع تحفه بكل المقاييس و مع احترامي لزميلي العزيز احمد كامل ... الموضوع ده لوحده ممكن يغطي على موضوعاتنا احنا الاتنين و ياخد معاه 3 - 4 اعضاء ... و من التقال كمان
لأنه في رأيي الشخص واحدجاب خبره و معلومات و جهد سنين و سنين و حطهم بين ايدينا في موضوع من اكتر من 30 مشاركه ... يعني موسوعه خراااافيه
انا متشكر جدا جدا جدا على مشاركتكم وكلامكم الجميل و ارجو قبول اعتذاري عن اي ضيق ممكن يكون سببه كلامي ... بس ياريت يا جماعه ( ا/ايمن - م/احمد ) بلاش تلبسوني بدله واسعه عليا ptmnlo123per193
خلونا ننبسط وخلاص ..... وكفايه ان الموضوعات بتعجبكم ... ptmnlo123per122
اللهم اني ظلمت نفسي فأغفر لي
ربنا لا تجعل الدنيا اكبر همنا
ربنا لا تجعل الدنيا مبلغ علمنا