رد: يارس ولا لانسر
محدش عايز يجاوب طيب هبتدي بنفسي انا هتكلم عن اليارس علشان معايا بس موش في مصر في الامارت وكدة هظلم الانسر لان سوق الامارات التويوتا رقم واحد فيه بس عموما هي عربية سحبها جميل جدا متحش انها 1300 خالص تكيفها مالهوش حل الفل ابشن بتيجي بجنوط و سبويلر و ده مخليها ثابتة احسن بكتر من البيسك انا بمشي بيها 140 و 160 كتير
استهلاكها للبنزين خرافي الفل تانك بيعمل معايا 600 كيلو في طريق مفتوح وطبعا بالتكييف قطع غيارها هنا ببلاش و معمرة جدا غير ان اي حد بيشتغل فيها عيوبها للامانة الابعاد بس مع التعود خلاص لما بيعدي جمبها عربية كبيرة بتحس ان فيه زلزال , صاجها خفيف و مرن ده ميزة و عيب لان في الخبطات البسيطة بيرد لوحده وسعها الداخلي جامد جدا بنركب فيها 5 من غير ما حد يشتكي الشنطة كبيرة و غويطة بس لو كانت اعرض كانت هتبقي احسن شوية عفشتها من انعم ما يكون توزيع الصوت فيها جيد جدا و ام بي ثري صوته نقي جدا
العزل الداخلي جيد جدا اقل الزجاج و شغل التكيف انسي انك تسمع اي حاجة برة تحس انك فصلت عن العالم الخارجي
انا قلت في الاول بلاش اتكلم عنها علشان مظلمش الانسر بس خلي بالكوا انا بتكلم عنها علشان معايا و في بلد التويوتا فيها رقم 1 .
|