[Bendary]

كلام يوجع القلب

معنى الخيبه الكبيره

• يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!fficeffice" />
• يعنى يعملوا مؤتمر سنوى لإنجازات الحزب الوطنى ...... و الناس كلها عارفة ان الجمعية الشرعيه ومؤسسة رسالة والأخوان هم اللى بيساعدوا ناس كتييير قوى فى البلد!!!!
• يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية.!!!!!!!!
• يعنى مصر تعمل سور لحصار غزهويطلع واحد يقولك البرادعى عميل لاسرائيل
• يعنى وزير مالية عمل قانون الضرائب العقارية وقال هيدفع عن القصور ضريبه بتاعته ويطلع يتعالج على نفقة الدولة
• يعنى وزير صحة شريك فى كبرى مستشفيات البلد)دار الفؤاد) و مراته تتعالج على نفقة الدولة فى أمريكا بالملايين منهم ثلث قيمة قرار العلاج على نفقة الدولة رشوة عشان يتعالجوا
• يعني نوصل الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز
• يعني وزير الإسكان يبقي سمسار اراضي !
• ووزير الصحه يقول من حقى أنا ومراتى نتعالج علي نفقة الدوله !
• يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لإنعدام الأمن فى جنوب أفريقيا و عدم و جود بنية تحتية فى المغرب و فجاة تاخد صفر كبييير من لجنة الفيفا
• يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك
• يعنى إنك تمنع التدخين جوه القطارات علشان تحافظ علي أرواح الناس ويروح القطر بكل اللي فيه مخيش في قطر تاني.
• يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونظافه وتنميه ، واحنا اللى كنا بنعلمهم من 30 سنه تبقى الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش فية الشعب المصري
• يعني تبقة نسبة التحرش الجنسي بالفتيات في الشارع المصري والمواصلات العامة 80% .....والحكومة تطالب بخلع النقاب !!!!
• يعني لما الشعب ما يلاقيش سكن ويروح يسكن في الجبل ويقع عليهم والمسئولين يقولوا عشوائيات
• يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 شخص يموتوا .... يطلع التحقيق بدون أى ادانه للمسئول الحقيقى ويساعدوه على الهروب الى لندن
• يعنى قناة ال BBC والجزيرة فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!
• يعني مصانع الحديد كانت بتبيع الطن ب2000 جنية ويجي بقدرة قادر احمد عز محتكر الحديد يبيعه ب8000 جنية ........ تيجي الحكومة تعمله قانون للأحتكار تفصيل مخصوص لية عشان تحمية من بطش الناس
• يعني يبقي اليهود نهبوا فلوس العالم بدعوى الهولوكوست الوهميويتباهوا بقتل اسرانا في تليفزيونهم ومحدش يقولهم أى حاجه !
• يعني يعملوا قانون ضرائب جديد على العقارات ....... والشعب الي مش ناوي يدفع يموت نفسة عشان يجيب الاقرار ويتباع في السوق السودا كمان
• لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس
• يعني قطارين يخيشوا في بعض والي يتحاسب الكومساري وفي مقولة اخرى الجاموسه الي كانت واقفة على القضبان
• يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة
• يعني تبقي عندك بحرين و نيل قناة السويس و11 بحيره وبتستورد السمك من بره
• يعني ربنا يكرمك وتكون رجل اعمال ولا سيدة اعمال وتاخد 2.800 مليار جنية مصري من 10 سنين وترد نصهم بالتقسيط بعد 10 سنين يعني المبلغ بيكون اضاعف معاك تلات اربع مرات وتكون برئ قدام الحكومة وكمان تنزل انتخابات مجلس الشعب وتنجح!!!!
• يعني يتحرق مجلس الشعب ومجلس الشورى و تدعي ربنا ان النواب والوزراء يكونوا جواه
• لما الاعلام الحكومى والخاص مش همة الشعب الي مش لاقي ياكل ولا يلبس ولا يسكن وطبعا بدون عمل ...... وهمة كلة يعرف مين قتل سوزان تميم والمحكمة هتحكم باية في قضية مرتضى منصور وشوبير !!!
• لما الدايرة الي فيها 2500 صوت فقط ، مرشح الحزب الوطني ياخد لواحدة 13000 صوت
• يعنى لما يكون الفلاح مش عارف يزرع ارضه بالقمح علشان نفضل تحت رحمة امريكا ------------ ولما يزرعه ياخدوه منه ارخص من المستورد 3 مرات
• لما يمنعونا من زراعة القطن الي بنتميز بية وبعد كده يروحو يبيعوا مصانع الغزل والنسيج لمستثمرين يهود يسرحوا العمالة ويقطعوا الشركات ويبعوها اراضي على النيل
• يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امراءة 13 الف جنية
• يعني من الاخر كده الولا ابني مديون ب 13 الف جنية ، ما تيجوا نلم ديون مصر
• يعني كلنا خايفين علي مستقبل مصرواللي ماسكينها خايفين علي مستقبلهم هما
• لما يكون المشترين فى الرحاب بتدفع 12 جنيه على المتر مسطح بدل فرق الصيانه ---------- يقوم الباشا هشام طلعت يدى سوزان 50 مليون من جيب امه
• يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان وصندوق الطبى علشان يبيعوا ويغتنوا من دمنا
• لما الموظف فى الحكومة بياخد 500 جنيه مرتب ويقول مش عارف أعيش ، والحكومه تقول أنتوا السبب علشان الزيادة السكانية!!!!
• لما يكون عندنا مجلس قومى للمرأة و اعلى معدلات طلاق فى الوطن العربى!!!!
• لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....
• لما وزير الاسكان يبيع ملايين الامتار ببلاش للمستثمرين مخالفة لقوانين الدوله ------------ ويبيعوا لنا المتر ب 3000 جنيه فى المدن الجديده
• و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!
• و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول - يقولك اتبرع للضحايا!!!!!
• لما طلعت السادات قال كلمتين على الهوا تترفع عنه الحصانة و يتسجن فى اقل من شهر... و ممدوح اسماعيل صاحب العبارة يسافر من صالة كبار الزوار!!!!!
• يعنى تجى تشترى شقه فى اسكان مبارك لمحدودى الدخل تحسبها تلاقيها محسوبه عليك بسعر السوبر لوكس
• لما الرئيس يحتفل بليلة القدر و يوزع جوائز على حفظة القرآن الكريم.... و لما الاخوان يجيوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية!!!!!!
• و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر!!!!