المشاركة الأصلية كتبت بواسطة احمد على 1999
انا احترم رايك عن الشاهين
لكن للامانة حتكلم عن اعتمادية اللانوس ( عربيتى )
لانوس 2002 فول اوبشن 192000 كم معملتش حاجة فى الماتور لغاية دلوقتى مع انى بسوق كتير على 180 كم / س لمدد طويلة ( الدولى الساحلى و الصحراوى المجدد ) و بجيب كتير على الاول 50 كم / س و التانى 75 كم / س و الثالث 100 كم / س و الرابع 130 كم / س و الخامس 180 كم / س يعنى بحرق جامد على النقلات
ظبط الزوايا عملته مرتين تلاتة و الراجل يقولى معملتش حاجة تقريبا و كلامه صح لان العربية مبتحدفش و لا بتاكل كاوتش ( بغير كاوتش على 80 الف )
مغيرتش و لا ديسك و لا اسطوانة مغيرتش حاجة فى العفشة غير بلية ورا يمين بسبب غلطه منى
منكرش الاتى :
غيرت مطخة البنزين عند 160000 اهمال منى كنت بسيب البنزين يقل و دى بتتبرد بالبنزين
غيرت كويل عند 120 الف اهمال منى برضه كنت بغسل الماتور و الراجل بيغطيه بكيس مبلول ( معدتش بغسل الماتور خالص )
لسة مغير ماتور الازاز قدام شمال بعد طول صراع مع المرض ( كنت بفكه و انضفه تلات شهور ) لغاية ما غيرته اول امبارح
بس
الباقى مستهلكات
|
اللانوس أفضل ما فى السيارات الكورية لأنها تعتمد على تصميمات و مكونات جنرال موتورز, و لكن أدائها الممل هو عيبها الحقيقى.