[خالداعزالناس]

المشاركة الأصلية كتبت بواسطة nightbat_88 بس يا باشا انا ليا تجربتين مع اللانوس :- اول تجربة :- لانوس 2001 معانا من الزيرو لحد النهارده والعربية ماشاء الله عليها مشفناش منها اي مشاكل وخصوصا ان استخدامنا انا و والدي نظيف 9 سنين مغيرناش غير 4 فرد كاوتش و حساس الانجكشن عشان في الاول الموتور اتغسل بالمياه وغيرنا فيوز طرمبة البنزين وسير التقسيمة وطبعا البطارية وشحن التكييف بمعدل كل سنتين او سنتين ونصف غير كدا عدا الصيانه الدورية وغيار الزيت مفيش اي مشاكل ثاني تجربة :- واحد زميلي حبيبي يعني اشتري لانوس 2005 استعمال بس اللي قبليه كان مبهدلها في غير فيها الاتي :- 1- مجموعة السيور والزيوت والفلاتر (وده راي يتعمل في اي عربية استعمال ) 2- 4 فرد كاوتش 3- عدد 4 مساعدين 4- جوان وش السلندر 5- مرجيحه الفتيس عشان كانت بتعض في الغيار التاني والثالث والعربية ماشاء الله عليها دلوقتي 10/10 اهم حاجه لو حتشتري لانوس مستعمله حالتها * ومن خلال 9 سنين في اللانوس اقولك :- *عربية جيده ومناسبة لاحتياجات الاسرة *موتور وسحب ممتاز مناسب لفئتها وطبيعه استخدامها *اعتمادية عاليه جدا يعني بتعطل كل فين وفين (ما شاء الله )وده طبعا بيرجع لمعاملتك و حفاظك علي صيانة العربية *صالونها واسع ومريح يشيل 5 مستريحين * استهلاكها للبنزين اقتصادية جدا * قطع غيارها ممكن تشتريها من عند اي بقال *اي ميكيانيكي وكهربائي بيفهم فيها وغير معقده ميكانيكيا * عفشتها طرية وناعمة مش زي الفيرنا خشنة عنها شوية * ثبات عن الفيرنا في السرعات علي 140 مش طوالي مناورات علي 140 وثابته ولو ليك اي استفسار تاني اسألني*

باشا
شكرا لمجهودك
انا معايا هيونداى فيرنا
بس انا فى السعوديه
وكنت محتار بين 3 سيارات لما انزل مصر ان شاء الله اشترى واحده منهم
هيونداى نيو اكسنت
شيفروليه لانوس
هيونداى فيرنا
طبعا اى سياره منهم
هشتريها جديده ان شاء الله

طبعا لو اشتريت نيو اكسنت خلاص الحمد لله بس المشكله ان الفلوس ممكن تقصر معايا
فانا عاوز اجيب شيفروليه لانوس
وعلى كلامك السياره كويسه
بالعلم انى عاوز اسافر بيها كل اسبوع وانا فى مصر
اسكندريه .... دا غير انى هسافر بيها ان شاء الله تعالى العين السخنه والغردقه وبور سعيد
يعنى انا بحب الخروج يعنى غاليا هكون موجود فى السياره طوال الوقت
زى ما بنقول مثلا واكل شارب نايم جوه السياره
ان شاء الله عاوز اجيب لانوس
لانى معايا فيرنا هنا
واتزحلقت بيها مره ولفت بيا حول نفسها فى الشارع وطلعت فوق الرصيف ونزلت الناحيه التانيه ودخلت بالعربيه داخل مول تجارى المهم كان يوم قلق والحمد لله تعالى المهم انى اصبحت قلوق من السياره
فعلى كلامك اللانوس حلوه ان شاء الله تعالى