رد: تويوتا ياريس ولا فيات جراند بونتو
انا كان معاى ياريس موديل 2007 مانيوال
العربيه دى بجد رائعه لكن فيها شويه عيوب
نبتدى اولا بالعيوب
صاج خفيف جدا ( بس زى الكورولا من 2001-2008 ) يعنى صاج ورق بس زى الكورولا
الدهان مش قوى ( اى خربوش بيبان فى العربيه )
المساعدين مش قوى ( لو العربيه فيها 5 ركاب العربيه هتحك فى المطبات حتى لو انت ماشى بالراحه )
المميزات:
موتور رائع ( بالرغم من انها 1300 سى سى بس 92 حصان )
انا جبت بيها 180 لمده ثوانى وخفت ازود عن كده بصراحه
استهلاكها فى البنزين رائع ( كانت بتعمل معاى 600 كم لكل 40 لتر ) وده داخل البلد مش على طرق سفر ولا حاجه
التكييف بتاعها رائع ( ثلاجه بجد )
الصيانه الدوريه بتاعتها مكلفه فى التوكيل ( صيانه ال 5000 فما فوق بتتكلف من 700 جنيه فما فوق )
العربيه ثباتها على الطريق معقول جدا حتى على سرعه 120-130 ماتحسش بالسرعه وثباتها فى المنحنيات مش قوى لو انت على سرعه اعلى من 70 العربيه هتعوم منك ( لكن لو ركبت لها جنوط 16 العربيه هتبقى راسيه وثابته اكتر )
العربيه دى مثاليه لشاب بيحب يجرى بالعربيه او لعائله صغيره ( 3-4 افراد بالكتيير )
الشنطه واسعه جدا
البونتو والجراند البونتو ماجربتهمش بنفسى بس الموديلات القديمه من البونتو سيئه جدا من ناحيه الاعطال والصيانه
اى استفسار بخصوص الياريس انا تحت امرك
|