[مهند سالم]

يا جماعة خلينا نتكلم بصراحة، مش ممكن حد في بلدنا يبقى عنده إمكانيات يجيب عربية ولا حتى توك توك ويفضل إنه يقضيها مواصلات، ده يعني يا إما بخيل أوي يا إما مجنون، لأن فعلا إلا راكب عربية تعبان جدا من الشوارع والزحمة ، أما إلا راكب مواصلات بق حاله إيه ، والله أنا لما بأمشي على الطريق - وأنا قعدت فترة كبيرة من حياتي مواصلات طبعا- لكن دلوقت لما بأشوف الناس وهي واقفة أكوام على الأرصفة منتظرة الميكروباص، ولما بأشوف الميكروباص جي والناس خارجة من الباب ومعجونة في الطرقة بتاعته بأقول ربنا يعين الشعب ده ، ويارب تكتب ليه في وقت من الأوقات العيشة الكريمة، والله الشعب ده محتاج فعلا للعيشة الكريمة، وإن شاء الله يستحقها، وربنا ييسر الأحوال