[مهند سالم]

طبعا مبدئيا الموضوع جميل، وأنا قرأته بالكامل، لكن كنت أحب إن الموضوع يبقى فقط عن السيارات، يعني أنا شايف من وجهة نظري إن الموضوع فيه كثير من الخروج عن النص، بمعنى إنه في كلام كثير كان الأفضل إنه يتقال على الخاص مثلا. عموما موضوع جميل وشيق،
الحاجة الثانية أنا بأستغرب جدا من فكرة التغيير لمجرد التغيير، أنا شايف إن دي أكثر حاجة تجلب الخسارة والحسرة والندم، زي ما تقول كدة هي حاجة لا تتناسب مع فكرة الدنيا بصفة عامة، فالدنيا لأنها دنيا وكل شيء فيها في حقيقته دنيء يبقى أفضل شيء إنك لما تمتلك شيئا يعينك على مشاقها ودناءتها تتمسك به وتحس بمدى الفائدة التي يقدمها لك، بمعنى أنك تشعر بالنعمة الكائنة فيه، أما إنك تغير شيء لم يقصر معك لمجرد أنه مرت عليه الأيام والليالي فده أنا شائف إنه من عدم شكر النعمة، ومحاولة زائفة للإحساس بالترف والتنقل في المتع، وبعدين بتبقى إدمان في كل شيء في حياة الإنسان وبتجلب عليه الخسارة في كل شيء، يعني ممكن يشتري موبايل هو مش محتاجه برده لمجرد التغيير، أو بدلة أو جزمة، بل وممكن يغير زوجته لمجرد إنها بقت موديل قديم، إدمان لا يجلب إلا الحسرة والندم.
لكن أكرر موضوع جميل، وتقبل مروري وشكرا ليك.