رد: تجديد بيجو 505
شوف حضرتك لو عاوز تعمل شغل تمام يبقى تعمل كل حاجة صح مينفعش تغير جزء طيارة وتسيب الباقى علشان ميبقاش عك والبيجو 505 عربية محترمة جدا ومينفعش فيها لخبطة عاوز نصيحتى اعلم الى هقولك علية دة
لو قررت تقلبها طيارة تبقى تخليها كلها متعملش جزء وتسيب الباقى بالنسبة للعربية من جوة عندك التابلوة بالكنسول بالكراسى بفرش الابواب كل دة مع بعضة لان كلة بيكمل بعضة بالنسبة للعربية من برة يبقى الاكصدمات مع المرايات والفوانيس مش بالضرورة انا عن نفسى مش بتعجبى فوانيس الطيارة ودى اذواق طبعا زى ما حضرتك عارف بالنسبة للون دم الغزال هيبقى تحفة عليها صدقنى وطقم جنوط وشبورة زينون وشكرا على كدة هتبقى عربية فل الفل وبجد صدقنى احسن حاجة انك تحاول تخلى كل حاجة فى العربية دى على وضعها انا ياما لعبت فيها وفى الاخر شلت كل دة وبقيت اجيب الحاجة بتاعتها الى تركب على وضعها مضبوط ابسط مثال لما حبيت اركب كشافات شبورة مرضتش العب فى اى حاجة ولا ابوظ شكل العربية من جوة جبت الفيش بتاعة الموديل الى نزل بالكشافات الشبورة وزرار التحكم وكل حاجة فضلت على وضعها واى استفسار عن اى حاجة فى 505 انا تحت امرك
__________________
HaMaDa-ToUB@R
01000902024
|