رد: بركان ثائر .... لم يخمد طوال ربع قرن ...... دلـتــــــــا ..... DELTA
والله ما قصرت ptmnlo123per122
بس عايز اقولك يا صديقى ان اجاباتك (وفيديوهاتك) بقدر كفايتها وقيمتها زودت فضولى لانى افهم برضو ازاى العربية ديه كده والعربية ديه راحت فين بعد كده والهندسة واللى فيها ديه اتوظفت فى ايه بعد كده
وبعدين انا اتعودت ان كل عربية بالنسبالى بتمثل معادلة ولازم افهمها يعنى مثلا الجولف محرك بعزم قوى شاسية متماسك تعليق صلب يعنى ثبات وقوة ومناورة غير فائقة
عربيتى الغلبانة (البرايد) موتور SOHC يعنى عزم عالى مع عفشة صلبة مع ارتفاع عن الارض ووزن خفيف يدى عربية سريعة(عزم) مرنة(غيارات روحها طويلة) اقتصادية (فى البنزين) اعتمادية (فى عمر العفشة) لكن مش ثابتة على السرعات
لما نيجى لاسطورة زى اللى انت عرفتنى بيها ديه عربية موتورها وضعيتة فى الوسط فيها تربو تشارجر وسوبر تربو دفع رباعى وبتحقق من 0 - 100 فى 2.5 على الحصى مش الاسفلت كمان يعنى عربية خارقة للعادة والوحيدة من نوعها
لان معنى الكلام ده ان العربية ليها عزم جبار (تورك) وقوة غشامة (باور) وثبات غير عادى (دفع رباعى ومحرك وسطى) واداء رياضى على كل السرعات نتيجة للمزج بين التربو والسوبر تشارجر وطبعا كل ده لازملة نظم تعليق وفرامل وتوجية خرافية للتحكم فى القوة ديه كلها
يعنى باختصار العربية المثالية لعشاق القوة والسرعة والاداء وكل حاجة والمفروض ديه تاخد الرالى كل سنة من 10 مرات بس
راحت فييييييييين بقى دلوقتى وليه ملهاش وجود ولا فيه حاجة ورثت القوة ديه بس انا معرفهاش !!
بصراحة اسئلة كتير فى دماغى عن التحفة ديه ولازم ادور عليها واعرف اكتر عنها لان الرقم ده هيفضل عاملى صدمة لحد مافهم جه ازاى
وبجد يا سامح تسلم ايدك ودماغك على الموضوع الاكثر من رائع وعلى تعريفى انا شخصياً بعربية تستحق لقب اسطورة بجدارة
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|