[khaled al sharif]

المشاركة الأصلية كتبت بواسطة depo الاعربية اهي من الامام والاستاذ الي مش مقتنع ووخد الطريق رايح جاي انا بقولو كلنا لها ربنا يستر عليك

بص يا حبيبي ألف سلامه عليك ونرجوا إنك تكون بخير .... إحنا مش بنتمني ليك الشر إحنا لقلة المعلومات إللي بتذكرها عن الحادث متشككين ... إنت داخل بتقول أنا عملت حادث والعربية إتقلبت ومقلتش ولا سبب مقنع غير إن العيب مش عيبك ده عيب تصنيع ... تقصد عيب تصنيع يعني العربية هي إللي عملت الحادث ....ولا تقصد عيب تصنيع الإير باج مفتحش ... أظن الزملاء ردوا علي هذه النقطه ... بس تعالي نقنع بعض إنت عايز تقول التالي :

1- شركة كيا شركة غشاشة أنتجت سيارة مخالفة للمواصفات عشان تحقق منها (خسارة) للشركة وتسقط باقي موديلاتها في السوق .( غير منطقي هذا الإفتراض )

2- شركة كيا والقائمين عليها أغبية عشان بينتجوا موديل جديد عيبه الوحيد إنه بيتقلب بسرعه بس فيها كل تكنولوجيا الأمان ( مش منطقي عندهم تكنولوجيا الثبات سواء تعليف أو منع إنغلاقABS أو منع إنزلاقEBD أو الموازن )

3- شركة كيا شركة تحت السلم فمحدش هايعرف يعمل معهاها حاجة ولا ياخد منها حق ولا باطل ولا حتي في الحوادث إللي الناس هاتموت فيها وعشان ملهاش عنوان ... وكمان التست درايف إللي عملوه للعربيه كان فبريكيشن ... وإختبارات التصادم والامان كلها كانت معموله في سيارة واحده بس الشركة أنتجتها وصورتها وهي بتعمل إختبارات التصادم لاكن باقي إنتاج الشركة بيقلب وبيموت الناس وبيحدف يمين وشمال لوحده (مش ممكن )

4- شركة كيا بتوفر في التكلفة فعملت إيرباج وحطيته في العربيه بس ما بيفتحش ولا جربتوش ... عشان ما بيفهموش في الشئون القانونيه ... ومتخيلين لو واحد مات في أوروبا أو أمريكا محدش ها يسأل عنه زي عندنا

5- كل العربيات إللي ماشية في أوربا وأمريكا وحتي كوريا وإللي الطرق عندهم ناعمه زي الحرير وأكيد ساقوا العربية بسرعه وعملوا بيها حوادث بس إلي الأن محدش فاهم إن شركة كيا خدعتهم وبا عت لهم إمكانات غير موجوده في السيارة .. يعني غشاشين ومش عارف ساكتين عليهم ليه .

تعالي بقه أقولك أقتنع بإيه ....

أولا - فيه إحتمال كبير حضرتك مكنتش رابط حزام الأمان .

ثانيا - ده مش شكل عربيه مقلوبه أربع مرات ... يعني عندك شوية مبالغه ... وبخاصة حضرتك محستش بحاجه من أول قلبه ...زي ما بتقول أو إللي شافوا نقلولك صورة مبالغ فيها .... مش بقول العربية متقلبتش بقول إتقلبت بس خدت القلبه علي الأجناب الأمامية عشان كده الإير باج مفتحش ولا في أي عربية فرست كلاس كان ها يفتح

ثالثا - حضرتك كنت سايق بسرعة أعلي من 100 كيلو وإرتكبت خطأ ما ... لم تدركه وبالتالي مش قادر توصلنا الصورة كما حدثت .

رابعا - مازلت مصر ... أنا ليا شغل في المنطقة الصناعية في برج العرب .. وبروح بمعدل من مرتين لثلاث مرات إسبوعيا وبنزل في فندق أفريكانا في مدخل برج العرب بحوالي سبعة كيلو .... ومدخل برج العرب ده بعد الكارته بحوالي 10 كيلو بعد ما بتعدي الكوبري إللي بعد الكارته عند KFC .... وكنت أحيانا بختصر المشوار فباخد طريق العلمين بعد الرست بشويه والسكه من عند الرست لحد الكارته يمين وشمال فيها قري سياحة وأكشاك ومزارع ... مفيش المتر ولا المترين الفرق في الإرتفاع بين الأسفلت إللي حضرتك بتتكلم عليه ... وكتير وقفت وإشتريت مانجه أو تين في المنطقه دي ... مش بقول حضرتك مش صادق .. أقصدي أقول إنت مش فاكر كويس ... ألله يكون في عونك ... ويشفيك ... بس إنت بتنقل لناس بتسمع منك وبتفكر معاك يبقي إسمحلي لازم النقل يخش العقل .... بعد الصورة الأخيرة دي أنا مصدق القصة تماما بس مش مقتنع بالسناريو إللي حضرتك بتقوله وبقول ده مش عيب عربيه ده عيب سواقه ... وحتي في حلقات السباق إللي سواقينها فيرست كلاس لاقوا إن نسبة عيوب السواقه إلي عيوب التصنيع إلي بتؤدي لحوادث هي 1:9 متفهمش كلامي غلط ...كلنا ممكن يعمل في أي لحظه خطأ يترتب عليه عواقب وخيمه مش إنت بس ( ولاكن لا تتمني للأخرين ما حدث لك لمجرد إنك مش عرف تقنعهم ولا بترد علي إستفساراتهم ) ... وتقبل مواساتي