المشاركة الأصلية كتبت بواسطة luckyman
دة ايام ما كانت العربيات ما كان لها طعم وريحة ومتعة للاسف بس الحمد لله اننا لاحقنا العصر دة واتمتعنا به وانت اثبت من كلامك انك انسان مش عاشق للسيارات لا انت انسان متطلب ومتمكن يعنى محترف ولك منى فائق الشكر والاحترام
|
الله يخليك يا لاكي باشا و شكرا جدا علي كلامك
بصراحه انت راجل مهذب و محترم و نتمني نشوفك في المقابلات لنتعرف وجها لوجه
المشاركة الأصلية كتبت بواسطة severeman
علم وتم التنفيذ
انا غيرت البيض وجبت بيض الماني زي ماقلتلي ورحت وديتهم للعفشجي انهارده
اسدق برضو ان الشكل والتقفيل مختلف من الالماني للايطالي
الالماني انضف طبعا
كنت منتظر ردك ياحازم ياباشا
ونصايحك بتتنفذ على فكره
بالمناسبة انا صارف على شويه حاجات في العفشه ماتجيش في كيسة سمره (بيض وتيش ثابت وجلب وجوز مساعدين وشكرا) بتاع 900 جنيه
ptmnlo123per144ولسه
كنت عاوز بس استفسر منك اجيب باور منين ويعملة كام
وهل في نوع معين اجيبه ولا ايه بالظبط؟؟
|
و لا يهمك الفلوس مش خساره في العربيه و ان شاء الله حتنبسط لما تركبها
العفشه من الحاجات اللي لازم تصرف عليها كويس علشان هيا دي روح العربيه
ولما تركب العربيه مع العفشه الجديده و الابواب المظبوطه حتلاقي العربيه ماسكه نفسها
و تحس انك واثق من العربيه تمام الثقه
و يا سلام لو قواعد الموتور سليمه هيا كمان تبقي كده بقيت مش محتاج حاجه خالص
بالنسبه للباور تجيبه من عزبه شلبي فيها قطع غيار فيات كتير
و فيه واحد في شامبليون جنب ابو طارق بتاع الكشري ممكن يركبهولك
هو غالي شويه بس راجل شغله عشره علي عشره روح له الاول و هو حيدلك تجيب الحاجه منين