المشاركة الأصلية كتبت بواسطة miam0502788391
احط 80 ولا 90 او 92 المفروض ان ده يحكمه فعلا نسبة الإنضغاط بتاعة المحرك زى ما الأخ لاكى مان بيقول كمان الموصى به فى كتالوج السيارة لكن تعالوا مثلا لو فيه واحد بيعمل 2000 كيلو كل شهر تقريبا وعربيته ممكن يتحط ليها بنزين 80 هل ممكن يغير ل 90 طبعا لأ النظرية الإقتصادية هنا بتحكم و قبل ما البنزين ال 90 يغلى هنا فى مصر انا كنت اعرف ناس بتحط منه لعربيات لادا و لانوس على اعتقاد انه انظف للمكنة زى ما بيقولوا ولكن لما غلى واصبح اللتر ب 175 قرش رجع ل 80 تانى وقال اوفر يعنى بالاختصار لو الظروف المادية مش سامحه الواحد هنا فى مصر بيحاول يحلف العربيه ويمشيها ب 80 على انه ارخص حاجه
|
بالعكس
انا مش بتكلم دلاوقتى عن اللادا او نوع معين بس لو عربيتك ذات ضغط منخفض ايا كان نوعها وحطيت بنزين عالى الاوكتين مش تحرق كويس وتسحب تمام بس تمشى انت مش تحس جدا الا لو حطيت الاتين وبعدين فى ناس عربيتها قديمة وممكن ضغطها عالى نتيجة الجوان من الامور اللى بتأثر تأتير كبير جدا على نسبة ضغط عربيتك جوان وش السلندار واللى بيشكل الحد الفاصل بين كتله رأس الاسطوانات وكتله الاسطوانات نفسها وتلتقى داخل غرفة الاحتراق لان لما تغير فى سماكة الجوان بتغير فى حجم الاسطوانة والسعة وبالتالى الشوط اختلف فتحصل على ضغط او نسبة انضغاط متغيرة حتى لو مش محسوسة بالنظر من سماكة الجوان البسيطة الا انها ذات تأثير كبير جدا ومضر بالسيلرة انا اسف لو حد اتلخبط من كلامى بس لو فى حد مهتم شوية ممكن يفيدة الكلام دة وتقبل منى
فائق الشكر والاحترام وتحياتى ودمت بود