[فادى]

الأخ فادى مشكور كتير على هذا التقرير والذى ينم عن واحد فاهم مش واحد بيركب ويسوق وخلاص

شكرا على ذوقك.
ردك ايضا ينم عن انك مفهمتش اصلا اللى انا كاتبه.

وفى الآخر أرجو تقبل رأى

كان ممكن اتقبل رايك لو مكنتش كتبت الجملة الاولانية دى,
لكن رايك فى النهاية يوضح انك لم تفهم موضوعى أصلا, لذا لست ملزما بالرد عليك.

اولا فيش حاجه اسمها مشكله السرعه القصوي هما الاثنين واحد و التسارع طبعا تلاقيها في 15 ثانيه ولا حاجه مش 12.1 ابدا يعني علي كدا الشاهين تسبقني انا لانسر 1.3 اوتو تسارعي في 13.4!!!!!!!!!

ايوه تسبقك لأن وزنها اخف و عزمها اعلى و القوة الحصانية فقط لصالح اللانسر لكن بفرق طفيف يعوضه فرق الوزن, اللانسر اتقل بمعدل كبير من الشاهين.
متسبقش اللانسر ليه يعنى؟ معمولها عمل؟!

السيارات الحديثة مريحة أكثر من السيارات القديمة,
لكنها ليست اسرع فى العموم,
لأن وزن السيارات الحديثة (عكس الشائع برضو) أكبر من القديمة نظرا لزيادة الكماليات و وسائل الامان و تقوية الشاسيهات,
بينما لم تتطور المحركات بالقدر الذى يمكنه تعويض هذا الفارق فى الوزن,
لذا لجأت معظم الشركات الى تكبير المحركات, أو تزويدها بشواحن هواء,
فلم نعد نرى محركات من فئة ال900 سى سى و ال800 سى سى و ال600 سى سى الا نادرا, و أصبحت اصغر سيارة تحتوى على محرك 1300 سى سى, و لم يعد هناك وجود لمحركات ال1000 سى سى مثلا.
و بعد ان كانت سيارات عائلية مثل ال125 تزود بمحرك 1500 سى سى, أصبحت السيارات العائلية لا تقل بأى حال من الأحوال عن 2000 سى سى فما فوق ذلك, و السيارة المتوسطة لا تقل عن 1600 سى سى.

كلام غلط طبعا الوزن عامل اساسي في الثبات يعني علي كدا الانترا تبقا حلوه علي المنيات

على فكرة الالنترا وزنها فى حدود ال1200 كغ, و هو وزن يعتبر متوسطا فى هذه الفئة,
انت متأثر بالمفاهيم الخاطئة الشائعة عن السيارات, و لا سبيل الى محاولة الشرح و الاقناع.
لكن حاول ان تقرأ قبل ان تكتب,
فالكتابة هى نتاج طبيعى للقراءة,
دى نصيحتى ليك لأنى لاحظت انك دائما تقع فى اخطاء فادحة فى ردودك.