رد: المطبات و اللانوس
افضل طريقة لتقليل الاحتكاك فى المطبات
تكسر مثلا شمال بزاوية 20 درجة او اكثر حسب ارتفاع المطب
تكسر يمين علشان تطلع بالعجلة اليمين قبل الشمال
بعدين هتطلع بالعجلة الشمال بعدين العجلة الورانية يمين بعدين اخر عجلة الورانية شمال
طبعاً ممكن العكس
واهم حاجة انك وانت داخل على المطب تكون بسرعة اقل من 5km
ومتكونش دايس فرامل
لكن عامة الانوس والنوبيرا من الحاجات اللى بتحك كتير وده طبيعى علشان العفشة مرنه اكتر والعربية واطية
فيه بعض الحلول بتعلية العربية (تركيب علايات) بس ده هيقلل من الثبات
او تركيب مساعدين وسوت انشف بس ده هيقلل من راحة الركاب وان كان هيعزز الثبات
من ناحية تانية ممكن تطنش خااالص ومتقلقش من الاحتكاكات ديه طالما مش بتحصل بشكل كبير او على سرعة كبيرة او مع تحميل اقصى من الطبيعى وكل فترة ترفع العربية وتشوف الطلاء العازل المدهونه بيه العربية من تحت سليم ولا لاء واذا اتأثر من الاحتكاك ترشها تانى
لان اخطر حاجة فى الاحتكاكات ديه انها بتاكل طبقة الحماية اللى تحت وبالتالى بتخليها عرضة للبارومة
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|