[AbOnOrA]

اهو يا سيدى تحس ان التوكيلات بتجامل بعض ولا ايه مش عارف العربية ديه كنت متوقع انها تغرق الدنيا زى الفيرنا والنيو اكسنت واكتر خاصة انها نجحت جداً فى اوروبا وامريكا واعتماديتها ممتازة وادائها ممتاز وعفشتها ممتازة برضو
بس فيه شوية حاجات ليها دور
اولاً نزول العربية صادف التنازع على التوكيل بين وليد توفيق (التوكيل القديم) ونصير الله يرحمة (التوكيل الحالى) وده اخر نزولها وانتشارها جامد جداً بالاضافة لتخوف الناس منها ومن التوكيل وانتشار قطع الغيار اللى كانت مش موجودة فعلاً الاول نظراً لقرار مننع استيراد قطع الغيار بتاعة كيا بدون موافقة الوكيل فحتى تجار قطع الغيار مكانوش بيعرفو يجيبو قطع غيار بسهولة

ثانياً توفر العربية بموتور 1400 رغم انه 97 حصان وادائه افضل واوفر من عربيات 1600 كتير بس احنا فى مصر بنحب الحاجة الكبيرة وخلاص

ثالثاً عدم سعى الوكلاء القديم والحديث لتعزيز الماركة عن طريق التجميع المحلى او استيراد الموديلات الاقدم زى مو 2003 اللى بيتصنع فى ايران وده كان هيبقى ليه دور كبير فى زيادة انتشار الماركة وتعزيز الاسم وتوفير قطع غيار اكتر نظراً لاتساع سوق المستهلكين اسوه بالفيرنا المصرى

ومش عارف ليه حاسس ان فيه اتفاق ضمنى على العربية ديه او الشريحة ديه انها تتساب لناس معينه والله اعلم

بس من ناحية التصميم الجديد فهو جديد وبس لكن انا مش معجب بيه اوى بصراحة
يعنى مجرد حطو سبيولر والشبكة الجديدة بتاعة شيراير افندى وخلاص
لكن تلوين الباكتات والاكصدامات الامامية مش موفق لان الاول كان اللون الاسود بينطق لون العربية ده غير انه كان عملى جداً ضد الخدوش
لكن بردو الجزء السفلى من الاكصدامين الامامى والخلفى حلوين ورياضيين اكتر وباقى التعديلات كويسة لدفع الملل رغم ان العربية مخدتش حقها فى السوق لسه