[خالدخليفة]

المشاركة الأصلية كتبت بواسطة corsair يا راجل يا طيب اومال النمر وارقام الشاسيه والماتور بتعمل ايه في العربية مش مكتوب عندك في الرخصة وثانيا طبعا لو الظابط قفش اي حد بالحوار ده هيدك بوسة في الرخصة يعني هيسحب الرخصة ده غير الغرامة لكن ولو مزاجه رايق هيعديك وبعيدن مش لازم فعلا تغير لون العربية ممكن تحط نفس اللون وكفايا انك هتحمي اللون الفبريكة

هههههه زى م توقعت بالظبط لابتسافر شبه يوميا ولا بتتاخر بالليل ده اولا وثانيا / اللى متاخدش بالك منه ان اى ظابط بيدور على قضية يثبت لرؤسائه بيها انه بيعمل شغل وبمجرد ميشوفك مغير لون عربيتك هيشك فيك على طول لكن رقم الشاسيه والموتور دى نكتة جميلة من سعادتك هل تعتقد انه هيفتح الكبوت ويشوف رقم الشاسيه والموتور والشغلة دى ويطابقهم ؟ كلام مش منطقى هو اصلا شايف النمر وشايف الرخصة والنمر فيها واللون مختلف عن اللى هو شايفه دماغه تشتغل على طول لو مش مصدقنى اتأخر مرة ل12 بالليل واتمشى بعربيتك بعد متغير لونها طبعا لحد الكمين اللى فوق موقف عبود يعنى مشكورا تروح شبرا الخيمة عند محطة القطار ثم يمينا على مستشفى النيل وكمل على طول لحد الكمين هتلاقى طابور طويـــــــــل فوق موقف عبود 3 او 4 صفوف واقفين وهناك ستجد ارخم ظابط فى العالم وكرر العملية دى 3 ايام ورا بعض هتقع فى ايده مرتين من ال3 وساعتها سيحدث الأتى اولا ياخد الرخص وثانيا تركن على جنب ويقلب العربية فوق وتحت ويمين وشمال بيدور على اى مصيبة مش هيلاقى طبعا يقوم يقعد يحقق معاك ثم يكشف عليك فى الكومبيوتر وياحظك الحلو لو اسمك تشابه مع واحد عامل جريمة ملقاش حاجة يتحفظ عليك برضه لان تغيير اللون ده قالقه طبعا انت ممكن تكون فاكرنى مكبر الحكاية مش هتخسر حاجة لو جربت لكن نصيحة لله متجربش احسن تدعى عليا ياعم ياراجل ياطيب انا جايب واحد صاحبى كان بيتجوز ومراته من المنصورة والعربية متزوقة والعريس والعروسة جنب بعض بلبس الفرح لاننا طلعنا من النادى فى المنصورةعلى البيت فى القاهرة ولقيته بيوقفنى وعايز الرخص طبعا بعد م قال لنا الف مبروك وربنا يتمم بخير وعايز يتفرج على الشنطة بتاعة العربية وبص جوه العربية وبعدين زهقت وقلتله ممكن اروحهم وتخلى الرخص معاك لحد م ارجع قال لا خلاص هكشف عليك كومبيوتر وتروحو طب تقول لده ايه ؟؟؟؟ هتزعق وتتخانق هيرخم اكتر لانى عملتها مرة فقال انت زعلان؟؟ انا بطبق القانون وفضل معطلنى جنبه وعندك كمين دمياط مدخل دمياط عند قرية اسمها السلام ده ظابط بيشوف كل مسمار فى كل عربية لو وقعت فى نوبتشيته يبقى فيها ساعة زى عبود على م تمشى وياسلام لو انت مسافر قبلى علشان يكشف عليك كومبيوتر 3 ساعات على الاقل واقف جنبه لان معندوش كومبيوتر فيستنى لحد م يجمع شوية رخص ويتصل بمديرية الأمن باللاسلكى والمديرية طبعا بتتلقى الاتصالات من كل كماين المحافظة وحلنى على المديرية م ترد يكون فات 3 او 4 ساعات ربنا يستر عليك وعلينا انت فى دولة لاتحترم آدمية البنى آدمين بس اكمنك مجربتش وربنا يكرمك ومتقعش فى واحد من الاغبيا دول تحياتى ليك