المشاركة الأصلية كتبت بواسطة nilesmile
سلام عليكو ...
احكيلكو حكايتى مع سير الكاتينه عشان عندى عقدة نفسية منه و الله العظيم ...
المهم
المكان ... السعودية
الزمان .... 2005
العربية .... دايو ليجانزا
المشكله ... صوت عالى جدا فى الموتور
الحل من الفحص عند الميكانيكى ..تغيير سير الكاتينه ......
حلى انا ..... قولت اطنش شويه عشان معنديش وقت لحد ما افضا ....
النتيجة ..... كونت ماشى على 120 و بعدين ادوس بنزين مفيش ادوس مفيش .... قولت لزمايلى يا جماعه زقونى و ارمى تانى عشان العربية تدور ممكن بطاريه .... زقونى 20 مرة و رميت تانى مفيش و لا الهوا ....
الحل .... اخدتها على ظهر عربية كبيرة ....لحد الميكانيكى
قاللى بالسلامة يا جميل .... سير الكاتينه قطع و الحل هو ..
1- اشترى 16 فالف (بلف) عشان الفالفات اتعوجت قولتله و اتعوجت ليه عرفت منه انو لما سيادتى بشطارة قولت لزمايلى زقونى و رميت تانى 20 مرة ده عوج بلوف الماكينه
المهم قولت للميكانيكى فيه سير كاتينه اصلى ب 90 ريال و موش اصلى ب 50ريال اجيب مين قاللى موش فارقه هات ابو 50 بنصاحه سمعت كلامه (ملحوظه الميكانيكى مصرى ) و اشتريت البلوف و السير و قاللى انا حخرط البلوف مع الموتور و قصص و حكاوى المهم بعد 10 ايام استلمت العربية .... و اتكلفت 3000 ريال
و بعد شهرين سمعت صور الموتور زى ما حصل قبل كدا عالى برضه ... كسلت برضه و فى يوم حلو كدا حصل نفس اللى حصل فبل كدا بس المرة دى روحت لميكانيكى سودانى شاطر ... قاللى نفس القصه ان السير قطع قولتله انا لسا مغيره من شهرين قاللى الاصلى قولتله لاه ... قاللى غلط الا سير الكاتينه لازم الاصلى ...
عرفت انو الميكانيكى الاول كان حمار .... المهم عملت نفس الفيلم و اتكلفت 3000 ريال تانى فى اقل من شهرين ...
الاستنتاج .....
اوعى اوعى اوعى احذرررررررررررررررررررررر رررررررر من سير الكاتينه اخطر حاجااااااااا
غيرة فى التوكيل او ميكانيكى ممتاز و هات الاصلى من التوكيل و خلى التوكيل كمان تديلك ضمان على السير سنه او سنتين ...... مهما كام غالى او كلفك موش مشكله و الا حتلبس يا ريس و تكون العاقبه سيئه جدا جدا جدا
اتمنا انى افدتكو مع تجربتى المريرة ....
و اسف على التطويل عليكم ...
و السلام عليكم
|
عايز اريح ضميرك البلوف اتعوجد علشان لما حصل القطع كانت السرعة عالية فلبساتم خبطت الصمامات لكن لو حصل القطع على rpm قليل لما حدثت اى مشكلة حتى لو زقيت و رميت 21 مرة لان الصمامات حترفع بسبب السوست يعنى الى حصل حصل لحظة القطع