|
رد: بعد شكر بوب الجامد... أخيرا ركبت الرينبو
السلام عليكم
يا جماعة الف شكر على المشاعر الحلوة دي ربنا يجمعنا دايما على الحب من غير ما تكون وراه مصلحةptmnlo123per1105ptmn lo123per1105ptmnlo123per1 114ptmnlo123per1114
وبعدين انا اتشرف اكون من اعضاء عصابة الرينو وان كانت عصابة دي كلمة صعبة شويه ايه رأيكو نخليها "حزب عاشقي الرينو" واهو يمكن نرشح بوب انتخابات الرياسة الجاية ويكون شعاره علامة الرينو
مش عارف اقولوكم ايه عن العربية طبعا اول ماركبتها حسيت اني بسوق قطر وكنت متضايق جدا لأن المازدا اللي كانت معايا كانت ناعمة بطريقة غريبة بس بعد ما سوقت العربية يومين ابتديت اتعود عليها وابتديت احس بيها وبسحبها وثباتها وبقعدتها المريحة الحمد لله لم تخيب ظني في اختيارها 
انا ليا بس سؤال في موضوع نقل الغيارات خاصة الخامس لأني ظابط النقل على 3000 لفة وده جايب عندي على العربية السرعات التالية على الترتيب (20-40-60-80) وبعدين الخامس لما بيوصل لـ 3000 بتكون السرعة 100 فهل ده طبيعة ولو عاوز امشي اسرع وقرصت والعداد جاب فوق 3000 لفة هل في غلط على الموتور ولا ايه؟؟ptmnlo123per179
انا النهاردة رحت اظبط الحاجات اللي في العربية وعملت فيها الاتي- تغيير اسكترة بواحدة استيراد فرنساوي
- تغيير 2 مساعد خلفي
- صيانة كوبلن شمال
- ضبط زوايا
- تغيير علبة شكمان
- تغييروحدة مفاتيح التكيف اللي في الطابلوه بواحد استيراد
- تقوية نور الطابلوه
الحسبة دي تقريبا 1000 جنيه
ولسة العربية عاوزة فرش وتلميعة من برة لغاية لما اديها وش نظافة
وادعولي يا رب العربية تفضل على الحالة دي لأني مش فاضي للف على الصنايعية
بالمناسبة انا عملت الشغل ده عند اسطى عادل اللي في صقر قريش وده بيشتغل في الرينو بس انا قلت مدوخش نفسي لأن كل حاجة بتاعة العربية موجودة عنده او عند حد جنبه من غير لف ولا تدوير هو مشكلته انه عايش دور الدكتور في الرينو بس هو للحق محترم في معاملته وامين .
التعديل الأخير تم بواسطة lotfyonline ; 04-02-2010 الساعة 03:36 PM
|