[ESL NSR]

المشاركة الأصلية كتبت بواسطة POP EL GAMED معلش يا جماعه اسمحولى انى ادخل فى النقاش من اخره كده

يا باشا إنت تنور الموضوع في أي وقت ، أنا أصلاً كنت حاطط الموضوع ده هنا مخصوص في الأول عشان فعلا كنت مايل للسيمبول وكنت مستني حد يقنعني بيها وأكتر حد كنت مستني رأيه هو إنت بس للأسف اتأخرت أوي وجيت في الوقت بدل الضايع وأنا خلاص نويت على النيو أكسنت وهتعاقد عليها في الأيام القليلة الجاية إن شاء الله !!

اولا مينفعش تقارن عربيه اوروبى بعربيه كورى كورى يعنى تكييف مواتير كل هدفها السرعه الاوروبى (مش الرينو خصوصا)ثبات امان قطع غيار معمره عربيات نفسها معمره التكييف والباور بالنسبه للاوروبى كماليات عشان كده تلاقى تكييف اى عربيه يابانى او كورى اقوى من تكييفات عربيات كتير (بى ام مرسيدس بيجو اوبل رينو فيات)انما فى العربيات الكورى واليابانى دى حاجات اساسيه تماما(العربيه من غيرهم مبيعاتها تقل اكتر من النص) غير كده مينفعش تقارن عربيه 1400 بعربيه 1600 غير كده اى حد عايز يحكم قبل ما يفكر فى الميكانيكى يفكر فى حياته وامنه اهم من 100 عربيه لما اركب عربيه اهم حاجه الامان والثبات على الطريق بعد كده موضوع السحب ده لما تبقى راكب عربيه مش ثابته وتجرى ومفيش امان يبقى لا حول ولا قوه الا بالله والله كان شاب طيب وانت ونصيبك بقى زى كل الناس اللى راكبين فيرنا وبيجروا سواء على الدائرى او الصحراوى وفى الاخر بيعملوا حوادث عشان مش مدركين انها عربيات مدن غير مزوده بأى عوامل امان نهايه كلامى عشان محدش يفتكر انى بقول الهيونداى وحشه والرينو حلوه والكيا بتحاول عايز تحدد عربيه اركب العربيات اللى بتقارن بينهم ومن حقك تروح المعرض وتشوف فيها كل حاجه وتحجز تست درايف كمان انت مش هتشترى موبايل ب1000 جنيه لو زهقت منه هترميه وتشترى غيره دى عربيه انت شخصيا محطوط جواها يعنى فكر اول حاجه الامان ثانى حاجه الامان ثالث حاجه الامان لانك اكيد اغلى من اى عربيه

كلام جميل ومنطقي جداً ... بس الحمد لله أنا مش من المتهورين دول وبحب أسوق بروقان وبراحتي ... وربنا يسترها معانا كلنا لإن الي هيعمل حادثة هيعملها بأي عربية مهما كان بلدها أو نوعها ومن التوكتوك لحد النقل المقطورة ...

بس رأى الشخصى الاوروبى اقوى من الكورى ودى حاجه معتقدش انه فيه حد يعترض عليها

طبعاً الاختلاف في الرأي لا يفسد للود قضية خالص يعني ... أنا رأيي إن الكوري وبالذات الهيونداي في مصر بقوة موتورها وإمكانياتها عاملة سوق كويسة جداً غير إنها مناسبة لشوراع مصر -مع اعتبار إن الي شاريها عارف قدراتها وعيوبها وياخد باله منها- وربك يسترها ...

وربنا يوفقك للخير بأذن الله

يارب ويوفقك ويوفق الكل للي فيه الخير ليهم ...