[ESL NSR]

المشاركة الأصلية كتبت بواسطة karimnet يا جماعة بلاش اكسنت سبورت دى علشان بتتعبنى نفسياً .. سبورت يعنى عربية رياضية مش سبويلر و عتب و الحق التخفيض !!

على فكرة هي أنا مابقولش عليها عربية سبور بمعنى الكلمة ، بس هو الموديل ده نازل مصر بالإسم ده إنما هي أصلاً برة إسمها Verna ولو عملت سيرش على النت عشان تجيب صور new accent 2010 حتى هتلاقي مكتوب عليها فيرنا وأظن دي حاجة معروفة ، إنما الموديل ده بينزل مصر بإسم نيو أكسنت ، وحتى الموديل الجديد ده المفروض في بلده إسمه new accent 2010 وبس والنيو أكسنت القديم الي عندنا ده شكلياً آخره 2009 إنما الشكل الجديد إسمه الحقيقي كده new accent 2010 مش new accent sport بس ده الإسم التجاري هنا في مصر عشان يخلوا الموديلين يتباعوا مع بعض ، ع العموم هو الموديل الجديد أكيد أحسن شكلاً من القديم بغض النظر عن إسمه وهو موديل سبور حرفياً ولا لا مايهمنيش في حاجة الإسم ...

و يا باشا انا رأيى السيمبول افضل منها ك عربية مش اعادة بيع .. و عن قطع الغيار اسعارها معروفة و معمرة اكتبر الف مرة من الكورى

بالنسبة للسيمبول بقطع غيارها وتوكيلها وصيانتها معروفة زيها زي معظم الأوروبي قطع غيار غالية ووكيل مالوش مراكز خدمة أو صيانة كتيرة ، وسيبك كمان من الوكيل مافيش ميكانيكية كتير بيفهموا فيها وده الي يهمني في الجزئية دي ، غير الأهم إني سألت عليها مش موجودة مصر في المعارض ومش جاية قبل شهرين تلاتة ولا كانت موجودة في جناح رينو في معرض فورميلا الي لسة خلصان ، غير كمان أنا كنت عامل الموضوع ده عشان حد يقنعني بيها لإني فعلا كانت عاجباني وعارف إنها معمرة أكتر من الكوري وعربية محترمة بس معرفش غير كده وباقي مواصفاتها غامضة بالنسبة لي وأنا ماينفعش أدخل مغامرة مش محسوبة زي كده ، إنما الأكسنت متجربة ومعروفة والهيونداي بصفة عامة مافيهوش مشاكل كتير في مصر وعامل سوق كبير مافيهاش كلام ...